नयाँ दिल्ली, 19 जुलाई (हि.स.)। केन्द्रिय अनुसन्धान ब्यूरो (सीबीआई) ले 1,109 करोड़ रुपियाँको ब्याङ्क ठगी मुद्दामा पश्चिम बंगाल, ओडिशा, तमिलनाडु र उत्तराखण्डका छह स्थानहरूमा छापा मारेको छ। भुवनेश्वर, ओडिशामा रहेको मेसर्स गुप्ता पावर इन्फ्रास्ट्रक्चर लिमिटेड विरुद्ध दर्ता भएको मुद्दामा यो कारबाही गरिएको हो।

सीबीआई अनुसार, कम्पनीले क्यानरा ब्याङ्कबाट फण्ड आधारित आधारित र गैर-कोषमा आधारित वित्तीय सुविधाहरू प्राप्त गर्दा 1,109 करोड़ रुपियाँको ठगी गरेको आरोप छ। कम्पनीले स्टकको मूल्य बढ़ाएर देखाएको, व्यवसायिक देनदारीहरूलाई कृत्रिम रूपमा बढ़ाएको र उच्च ऋण सुविधा लिन वित्तीय विवरणमा हेरफेर गरेको अनुसन्धान निकायको आरोप छ । यस बाहेक खाताहरूलाई एवरग्रीनिङ (नयाँ ऋणबाट पुरानो ऋणलाई नियमित देखाउनु) मार्फत कर्जाको रकम दुरुपयोग र डाइभर्सनबाट ब्याङ्कलाई गलत नोक्सान भएको छ ।

सीबीआईले विशेष सीबीआई न्यायाधीश भुवनेश्वरले जारी गरेको सर्च वारेन्टको आधारमा शनिवार खोजी गरेको हो । अनुसन्धान अन्तर्गत भुवनेश्वर, ओडिशामा कम्पनीका चार निदेशकहरूको घर, कोलकाता, पश्चिम बंगालमा कम्पनीको दर्ता कार्यालय र उत्तराखण्डको उधम सिंह नगर जिल्लाको काशीपुरमा रहेको कम्पनीको तीन उत्पादन इकाई, तमिलनाडुको तिरुवल्लुर र ओडिशाको भुवनेश्वरमा खोजी गरियो।

खोजीका क्रममा धेरै कागजात जफत भएको सीबीआईले जनाएको छ । यस विषयमा अनुसन्धान जारी छ।

हिन्दुस्थान समाचार / भवानी थामी