लखनउ, १९ जुलाई (हि.स.) । राष्ट्रिय स्वयंसेवक संघ (आरएसएस)का सह सरकार्यवाह डा. कृष्ण गोपालले संगोष्ठीलाई सम्बोधन गर्दै भारतमा शिक्षा पूर्णरुपमा निःशुल्क भएको बताएका छन् । गुरुकुलमा विद्यार्थीलाई खाना, लत्ताकपड़ा, औषधि र किताब नि:शुल्क पाइन्थ्यो । शिक्षामा शुल्क लगाउने काम अंग्रेजहरूले गरेका थिए । उनले अहिले शिक्षाको प्रकृति अर्कै दिशामा गइरहेको बताए । आज देशमा ठूला–ठूला राजमार्ग र विमानस्थल बनिरहेका छन् तर समाजका ८० प्रतिशतले उच्च शिक्षा पाउन सकेका छैनन् । यसले समाजमा असन्तुष्टि पैदा गर्छ ।
आइतवार लखनउ विश्वविद्यालयको मालवीय सभागृहमा महामना शैक्षिक संस्थानको नयाँ सत्रको उद्घाटनका अवसरमा आयोजित कार्यक्रमलाई सम्बोधन गर्दै उनले यी कुरा भनेका हुन् ।
डा. कृष्ण गोपालले भारतको आर्थिक र भौतिक प्रगति पर्याप्त थियो भनेका छन्। भारतले विश्वलाई व्याकरण, वर्णमाला ज्ञान, दशमलव, गणित, त्रिकोणमिति, नक्षत्र गणना र लुगा लगाउन सिकाएको थियो। विश्वको पहिलो जहाज भारतले बनाएको हो ।
साह सरकार्यवाहले भने, भारतका हरेक गाउँमा विद्यालय थियो। भारतमा नालंदा, तक्षशिला र विक्रमशिला जस्ता विश्वविद्यालयहरू थिए जहाँ धेरै देशका विद्यार्थीहरू अध्ययन गर्न आउँथे। इस्लामको आक्रमणले हाम्रा संस्थाहरूलाई ध्वस्त पार्यो। जब अंग्रेजहरू आए, उनीहरूले भारतमा शिक्षामाथि प्रतिबन्ध लगाए। केही समयमै भारत निरक्षर राष्ट्रमा परिणत भयो ।
कार्यक्रमका प्रमुख अतिथि आईआईटी लखनउका निदेशक प्रो. अरुण मोहन शेरीले महामना शैक्षिक संस्थानले समाज परिवर्तन र समाजलाई दिशा दिने काम गरिरहेको बताए । उच्च शिक्षा संस्थामा बढ्दो तनाव र आत्महत्याका घटनाप्रति चिन्ता व्यक्त गर्दै उनले उच्च शिक्षा संस्थामा केही परिवर्तन गर्नुपर्ने बताए
कार्यक्रमको अध्यक्षता गर्दै लखनउ विश्वविद्यालयका पूर्व उपकुलपति दुर्गसिंह चौहानले आमा शिष्टाचारकी आमा हुन् भन्ने बताए। छोराले आमा-बाबुबाटै सिक्छ। उनले देशको समस्याको समाधान शिक्षामा मात्रै रहेको बताए । भारत पौराणिक मूल्यहरूको आधारमा मात्र खड़ा हुनेछ।
डा.अनिमा जामवालले महामना पण्डित मदनमोहन मालवीय र भाऊराव देवरस यी दुई महापुरुषको प्रेरणाबाट महामना मालवीय शैक्षिक संस्थान सञ्चालन भइरहेको बताइन् ।
यस अवसरमा राष्ट्रिय स्वयंसेवक संघका अखिल भारतीय प्रचारक प्रमुख स्वान्त रञ्जन, लखनऊ विश्वविद्यालयका उपकुलपति प्रो. जेपी सैनी, प्रदेश प्रचारक कौशल, पूर्व क्षेत्र प्रचारक शिव नारायण, क्षेत्र गाई संरक्षण गतिविधि संयोजक सामाजिक सद्भाव राज्य प्रमुख राजेन्द्र, विभाग प्रचारक अनिल, क्यान्सर संस्थानका निदेशक प्रो.एमएलबी भट्ट, डा. नवीन जामवाल र डा. सन्तोष शुक्लाको प्रमुख उपस्थिति रहेको थियो ।
हिन्दुस्थान समाचार / भवानी थामी
