नयाँ दिल्ली, 19 जुलाई (हि.स.)। केन्द्रिय गृहमन्त्रीले सोमवार राज्यसभामा राष्ट्रिय गीत 'वन्दे मातरम्' लाई राष्ट्रिय गानको रूपमा समान दर्जा दिन एक विधेयक पेश गर्ने छन्। यो अधिनियम अन्तर्गत राष्ट्रिय झण्डा र संविधानको अपमान र राष्ट्रिय गानमा बाधा पुर्याउने कार्य दण्डनीय अपराध हुनेछ ।

यो जानकारी राज्यसभाको भोलिको कार्यसूचीमा दिइएको छ। विधेयकले राष्ट्रिय सम्मानको अपमान निवारण अधिनियम, १९७१ लाई संशोधन गर्नेछ। राष्ट्रिय गीत वंदे मातरम्लाई राष्ट्रिय गानजस्तै सम्मान गर्ने उद्देश्यले यो विधेयक ल्याइएको हो। अपमान गर्नेलाई तीन वर्षसम्म कैदको व्यवस्था छ । यसमा गायनसित सम्बन्धित अनिवार्यताको पनि प्रावधान छ।

अर्कोतर्फ, लोकसभामा केन्द्रिय कानून मन्त्री अर्जुन राम मेघवालले सर्वोच्च अदालतमा न्यायाधीशको संख्या बढ़ाउने सम्बन्धमा विधेयक पेश गर्ने छन्। यसको उद्देश्य देशको सर्वोच्च अदालतमा न्यायाधीशको संख्या ३३ बाट बढ़ाएर ३७ पुऱ्याउने हो ।

संसदको मनसुन सत्र भोलिदेखि शुरु हुँदैछ । बिहान प्रधानमन्त्री नरेन्द्र मोदीले सञ्चारमाध्यममा सम्बोधन गर्दै सबै दललाई कारबाही सुचारु रूपमा चलाउन अपील गर्नेछन् । मनसुन सत्रको पहिलो दिन लोकसभामा 'फादर अमिर' भनेर चिनिने कतारका पूर्व अमिर शेख हमाद बिन खलिफा अल थानीप्रति श्रद्धाञ्जली अर्पण गरिनेछ। लोकसभाको कार्यसूची अनुसार छह पूर्व सदस्य सहित उनलाई श्रद्धाञ्जली अर्पण गरिनेछ।

हिन्दुस्थान समाचार / भवानी थामी