श्रीनगर, 20 जुलाई (हि.स.)। मुख्यमन्त्री उमर अब्दुल्ला सोमवार दिल्ली तर्फ प्रस्थान भए। दिल्ली पुगेर उनी नेशनल कन्फ्रेन्सको त्यस विरोध प्रदर्शनमा सामेल हुनेछन् जसमा जम्मू-कश्मीरलाई राज्यको दर्जा बहाल गर्ने माग गरिँदैछ। यो प्रदर्शन संसदको मनसुन सत्रको शुरूआतसितै भइरहेको छ जसको अगुवाई नेशनल कन्फ्रेन्सका अध्यक्ष फारूक अब्दुल्लाले गर्नेछन्।
पार्टीका एकजना प्रवक्ताले भने, हाम्रा अध्यक्षको अगुवाईमा राज्यको दर्जा बहाल गर्ने मागमा भइरहेको प्रदर्शन बिहान 10 बजेदेखि साँझ 5 बजेसम्म, पृथ्वीराज रोडबाट शुरू हुनेछ। पार्टीका सबै नेता, विधायक औ जनप्रतिनिधिहरू त्यहाँ भेला भएर एकसाथ अगाड़ि बढ़्नेछन्। उमर अब्दुल्ला गए शनिवारै आफ्ना पितासित दिल्ली गएका थिए, तर उनले आफ्नो यो यात्रालाई बीचमा छोड़ेर आइतवार जम्मू फर्केका थिए।
उनले यहाँ आएर पुँछ-राजौरी क्षेत्रमा आएको भयानक बाढ़ी तथा केन्द्रशासित प्रदेशमा आगामी 23 जुलाईसम्म मध्यमदेखि घना वर्षा हुने अनुमानबीच एक उच्च-स्तरीय बैठकको अध्यक्षता गरे।
पार्टीका एकजना नेताले बताए, मुख्यमन्त्री सोमवार बिहान विरोध प्रदर्शनमा सामेल हुनका लागि दिल्ली प्रस्थान भए।
हिन्दुस्थान समाचार / उष्णता छेत्री शर्मा
