नयाँ दिल्ली, 19 अगस्त (हि.स.)। केन्द्रिय अनुसन्धान ब्युरो (सीबीआई) ले सूचना एवं प्रसारण मन्त्रालयमा स्वतन्त्र वित्तीय सल्लाहकारका रूपमा कार्यरत लेखा उप नियन्त्रक सन्दीपलाई 10 लाख रुपियाँ घुस लिँदै रेड ह्याण्डेड पक्राउ गरेको छ। अभियुक्तले यसअघि निजी कम्पनीको अनुबन्ध नवीकरण फाइलको छिटो निपटानका लागि 15 लाख रुपियाँ घुस मागेका थिए। वार्तापछि उनी 10 लाख रुपियाँ लिन सहमत भए।
सीबीआई अनुसार, मङ्गलवार उजुरीको आधारमा अभियुक्त उप लेखा नियन्त्रक सन्दीप (आइसीएएसः2020) विरुद्ध मुद्दा दर्ता गरिएको थियो। उनी यहाँ सूचना तथा प्रसारण मन्त्रालयमा स्वतन्त्र वित्तीय सल्लाहकारका रूपमा कार्यरत थिए। उजुरीमा आरोप लगाइएको थियो कि निजी कम्पनीको सम्झौता नवीकरण सम्बन्धी फाइल उनीसँग विचाराधीन छ र यसलाई चाँड़ै निपटान गर्न अभियुक्तले घुस मागेका थिए।
जाँच एजेन्सीले मङ्गलवार जाल बिछ्याएर अभियुक्तकी पत्नी मार्फत 10 लाख रुपियाँ घुस लिँदै गर्दा अभियुक्तलाई समात्यो। सीबीआईले अभियुक्तलाई हिरासतमा लिएको छ। यस मामिलामा थप अनुसन्धान जारी रहेको सीबीआईले जनाएको छ।
हिन्दुस्थान समाचार / भवानी थामी
20 Aug 2026
