कुचबिहार, 28 अगस्त (हि.स.)। आफूलाई कलकत्ता उच्च अदालतको वकिल बताेर माथाभाङ्गा अदालत परिसरमा घुमेको तथा मानिसहरूलाई कथित रूपमा ठगेको मामिला सार्वजनिक भएको छ। शुक्रवार संदिग्ध गतिविधिहर गरिरहेको देखेपछि माथाभाङ्गा महकुमा बार एसोसिएशनका सदस्यहरूले उक्त युवकलाई समातेर पुलिसलाई सुम्पिदिए। आरोपीको पहिचान आबेद अलीको रूपमा भएको छ।

बार एसोसिएशन अनुसार आबेद अली पछिल्लो केही दिनदेखिको अदालत परिसरमा घुमिरहेको थियो। उसले आफूलाई वकिल बताएर मानिसहरूसित बातचित गर्थ्यो। शङ्का लागेपछि केही अधिवक्ताहरूले उसलाई बोलाएर जाँचबुझ गरे। जवाफमा केही विसङ्गतिहरू पाइएपछि उसले त्यहाँबाट भागेर माथाभाङ्गा थानामा लुक्ने प्रयास गर्न थाल्यो। तर अधिवक्ताहरूले पछ्याउँदै गएर उसलाई समाते। पछि पुलिसलाई सुम्पिदिए। पुलिस जाँचमा उसको कब्जाबाट केही संदिग्ध पहिचान पत्र र भिजिटिङ्ग गार्ड भेटिएको छ। एउटा भिजिटिङ्ग काार्डमा बीएससी एलएलबी र ‘कलकत्ता हाईकोर्टको अधिवक्ता’ लेखिएको छ। पुलिसले अब यो जाँच गरिरहेको छ कि जफत गरिएको द्तावेज असल्ली हो कि नक्कली तथा यसलाई कुन उद्देश्यको लागि प्रयोग गरिएको थियो।

पुलिस समक्ष आबेद अलीले दाबी गऱ्यो, उसले आठौं कक्षासम्म पढ़ेको छ र पछिल्लो पाँच महिनादेखिको अदालतमा ल क्लर्कको रूपमा काम गर्दै आइरहेको थियो। भिजिटिङ्ग कार्डमा हाईकोर्टको वकिल लेखिएकोलाी उसले कथित रूपमा “गल्ती” बताएको छ। पुलिसले सम्पूर्ण मामिलाको जाँच गरिरहेको छ। माताभाङ्गा बार एसोसिशएनका अध्यक्ष कौशिक भद्रले मानिसहरूलाई कुनै पनि व्यक्तिलाई वकिल मान्नअघि उसको पहिचान र दस्तावेजहरूको जाँच गर्ने अपील गरेका छन्।

हिन्दुस्थान समाचार / उष्णता छेत्री शर्मा