नयाँ दिल्ली, 06 अगस्त (हि.स.)। अखिल भारतीय विद्यार्थी परिषद (अभाविप)-ले प्रतियोगी परीक्षा, प्रवेश परीक्षा और भर्ती प्रक्रियामा कथित अनियमितता, प्रश्नपत्र लीक तथा भ्रष्टाचारको विरोधमा देशभरि नै आफ्नो आन्दोलनलाई तीव्रता दिएको छ। सङ्गठन अनुसार झारखण्ड, कर्नाटक, पञ्जाब, बिहार समेत कतिपय राज्यहरूमा परीक्षा प्रणालीमा पारदर्शिता, जवाफदेही औ संस्थागत सुधारको माग गर्दै लोकतान्त्रिक ढङ्गमा आन्दोलन गरिँदैछ।
अभाविपले बिहीवार जारी बयानमा भन्यो, प्रत्येक परिश्रमी विद्यार्थीलाई निष्पक्ष, पारदर्शी औ विश्वसनीय परीक्षा व्यवस्था उपलब्ध गराउनु सरकार औ परीक्षा एजेन्सीहरूको जिम्मेवारी हो। तर कतिपय राज्यहरूमा लगातार भइरहेको अनियमितताले विद्यार्थीहरूको विश्वास प्रभावित भएको सङ्गठनले आरोप लगाएको छ।
परिषद अनुसार पञ्जाबमा विधानसभा घेराउ गरी भर्ती अनियमितताको विरोधमा प्रदर्शन गरिरहेका अभाविप कार्यकर्ताहरूमाथि पुलिसले लट्ठीचार्ज औ वाटर क्यानन प्रयोग गऱ्यो। सङ्गठनले दाबी गऱ्यो, यस कारबाहीमा धेरै जना कार्यकर्ताहरू गम्भीर रूपमा घाइते भए। अभाविपले यसलाई दुर्भाग्यपूर्ण औ निन्दनीय बताउँदै पञ्जाब सरकारमाथि प्रशासनिक संवेदनहीनताको आरोप लगाए।
अभाविपका राष्ट्रिय महामंत्री डा. वीरेन्द्र सिंह सोलङ्कीले भने, परीक्षा तथा भर्ती प्रक्रियाहरूमा पारदर्शिताको मुद्दा कतिपय राज्यहरूसम्म मात्र सीमित नरहेर यो देशभरिकै लाखौं विद्यार्थीहरूको भविष्यसित जोड़िएको विषय हो। उनले आरोप लगाए, कतिपय स्थानहरूमा सरकारले वार्ता गर्नको सट्टा शान्तिपूर्ण आन्दोलनमाथि दमनात्मक कारबाही गऱ्यो।उनले भने, विद्यार्थीहरूको न्याय, पारदर्शी परीक्षा व्यवस्था, जवाफदेही संस्थागत तन्त्र औ गुणस्तरीय शिक्षाको लागि अभाविपको लोकतान्त्रिक सङ्घर्ष भविष्यमा पनि कायम रहनेछ।
हिन्दुस्थान समाचार / उष्णता छेत्री शर्मा
12 Aug 2026
