गुवाहाटी, 13 सेप्टेम्बर (हि.स.)। भाजपा विधायक तथा नगाउँका निवर्तमान कङ्ग्रेस सांसद प्रद्युत बरदलैले कङ्ग्रेसमाथि चर्को प्रहार गर्दै आरोप लगाए, अब पार्टीमा जनताको माझमा गएर भोट माग्ने साहस पनि बचेको छैन। उनले भने, त्यसैले कङ्ग्रेस नेताहरूलाई होटल र रिजर्टहरूसम्म मात्र आफूलाई सीमित राख्न परिरहेको छ।

बरदलैले कङ्ग्रेसको राजनीतिक गतिविधिहरूमाथि कटाक्ष गर्दै भने, आम मानिसहरूको बीचमा गएर उनीहरूको समर्थन माग्नको सट्टा पार्टीका नेताहरू बन्द कोठाभित्र बैठक गर्नेसम्म मात्र सीमित भएका छन्। उनले दाबी गरे, कङ्ग्रेसलाई जनताको मनाशयको अनुमान भइसकेको छ। त्यसैले उनीहरू सोझै मतदाताहरूसम्म पुग्न हिच्किचाइरहेका छन्।

भाजपा विधायकले यो टिप्पणी असममा नगाउँ लोकसभा उपचुनाउलाई लिएर राजनीतिक गतिविधिहरू तीव्र भइरहेको स्थितिमा गरेका छन्। कङ्ग्रेसले अहिलेसम्म पनि आफ्नो उम्मेद्वारको नाम घोषणा गरेको छैन।

हिन्दुस्थान समाचार / उष्णता छेत्री शर्मा