शिमला, १५ सेप्टेम्बर (हि.स.)। जंगलको सुनसान बाटोमा हिँड़िरहेकी ६१ वर्षीया महिलामाथि अचानक आक्रमण गरी उनको आँखामा खुर्सानीको धुलो हालेर कानका सुनका बाली लुटेर एक अज्ञात व्यक्ति फरार भएको छ। घटना शिमला जिल्लाको कुमारसैन थाना क्षेत्रको हो।
पुलिस अनुसार, घटना १४ सेप्टेम्बर बिहान लगभग ११ः४५ बजी भएको हो। लटयाणा निवासी जिया लालकी पत्नी सुनो देवीले पुलिसमा दिएको उजुरीमा आफू कन्डियाली बजारबाट राष्ट्रिय राजमार्ग–०५ सड़क हुँदै गाउँ जाने क्रममा जंगल क्षेत्रको बाटोबाट पैदल हिँड़िरहेको बताएकी छन्। सोही क्रममा एक अज्ञात व्यक्ति अचानक उनी नजिक आएर उनको आँखामा खुर्सानीको धुलो हालिदियो।
उजुरी अनुसार, आँखामा खुर्सानीको धुलो परेपछि उक्त व्यक्तिले महिलाका दुवै कानबाट जबर्जस्ती सुनका बाली खोसेर घटनास्थलबाट फरार भयो। महिलाले पुलिसलाई दिएको विवरणअनुसार ती व्यक्तिले सेतो चेकदार कमिज र कालो पाइन्ट लगाएका थिए। उसको उमेर लगभग २५ देखि २६ वर्ष रहेको बताइएको छ।
पुलिस थाना कुमारसैनमा १४ सेप्टेम्बरमा भारतीय न्याय संहिताको धारा ३०४(२) अन्तर्गत मुद्दा दर्ता गरिएको छ। घटनाको अनुसन्धान सहायक उपनिरीक्षक विद्या नन्द, पुलिस चौकी नारकण्डाका प्रभारी तथा पुलिस थाना कुमारसैन अन्तर्गत, ले गरिरहेका छन्। पुलिसले अज्ञात व्यक्तिको पहिचान तथा खोजी तीव्र बनाएको छ।
पुलिसका एक अधिकारीले मंगलवार आरोपीको खोजी भइरहेको र उनलाई चाँड़ै पक्राउ गरिने बताएका छन्।
हिन्दुस्थान समाचार / भवानी थामी
