मुम्बई, 18 सेप्टेम्बर (हि.स.)। भारतीय जनता पार्टी (भाजपा) का प्रदेश प्रवक्ता नवनाथ बनले शुक्रवार भने, किसानहरूको मुद्दामा महायुति सरकार सकारात्मक छ। राज्यमा सुखाको स्थितिको मूल्याङ्कन गरेपछि सरकारले आवश्यक कदम उठाउनेछ अनि उचित निर्णय लिनेछ।

भाजपा प्रदेश मुख्यालयमा पत्रकारहरूसित बातचित गर्दै नवनाथ बनले भने, महाराष्ट्रमा सुखाको स्थितिलाई लिएर शरद पवारले मुख्यमन्त्री देवेन्द्र फडणीसलाई पत्र लेखेका छन्। शरद पवार वरिष्ठ नेता भएका कारण सरकारले उनका सुझाहरूमाथि निश्चित रूपमा विचार गर्नेछ।

नवनाथ बनलेआरोप लगाए, शरद पवारको कार्यकालमा महाराष्ट्रमा किसान आत्महत्यागो गम्भीर सङ्कट थियो। तर देवेन्द्र फडणवीस नेतृत्वाधिन महायुति सरकार किसानहरूको साथमा बलियोसँग उभिएको छ। सरकारले किसानहरूको ऋणमाफी पनि गरेको छ।

भाजपा प्रवक्ताले भने, आगामी 5 अक्टोबरपछि राज्यको स्थितिको निरीक्षण गरिनेछ। त्यसपछि मराठवाड़ा, विदर्भ र पश्चिम महाराष्ट्रमा सुखा घोषित गर्ने सम्बन्धमा निर्णय लिइनेछ।

भाजपा प्रवक्ताले विपक्षमाथि आरोप लगाउँदै भने, पूर्वमा खेतहरूको बीचमा पुगेर घोषणाहरू गरिएको भए पनि किसानहरूले वास्तविक आर्थिक सहायता पाएनन्। उनले भने, वर्तमान सरकारले किसानहरूको स्थितिको मूल्याङ्कन गरी आवश्यक कदम उठाउनेछ।

हिन्दुस्थान समाचार / उष्णता छेत्री शर्मा