जिन्द, 18 सेप्टेम्बर (हि.स.)। साइबर थाना पुलिसले साइबर ठगहरूद्वारा अमेरिकामा बस्दै आएका भाइ (काकाको छोरा) भएर ईँटा भट्टाका मुन्शीबाट 4 लाख 10 हजार रुपियाँ ठगेकोमा अज्ञात मानिसहरूविरूद्ध धोकाधड़ीको मामिला दर्ता गरेको छ। पुलिसले मामिलाको जाँच गरिरहेको छ। पड़ाना गाउँ निवासी श्रीभगवानले पुलिसलाई दिएको सिकायतमा बताए, उनले ईँटा भट्टीमा मुन्शीको काम गर्छन्। उनको भाइ मनीष वर्षौंदेखिको अमेरिकामा बस्दै आएको छ। गत 27 अगस्तको दिन उनको व्हाट्सएपमा कल आयो जसमा उनलाई भनियो, केही पैसा हाल्नुछ, त्यसैले ब्याङ्क खाताको नम्बर चाहिएको छ। एक महिनापछि घरमा आएर सबै पैसा फर्काइदिन्छु। त्यसमध्ये केही पैसा उसको साथीलाई पठाउनुछ, किनभने साथीको आमा बिमार छन्। त्यसपछि उसले 18 लाख रुपियाँको रसिद पठायो अनि भन्यो, पैैसा तपाईको खातामा पठाइएको छ। त्यसपछि श्रीभगवानलाई फेरि अर्को नम्बरबाट फोन कल आयो जसमा भनियो, तपाईको खातामा विदेशबाट 18 लाख रुपियाँ आएको छ जसपश्चात फेरि आरोपीको कल आयो जसले एउटा नम्बर दिएर एक लाख रुपियाँ साथीलाई पठाउन भन्यो। त्यसपछि 27 अगस्तको दिन श्रीभगवानले पैसा पठाइदिए। सिलसिला यहीँ टुङ्गिएन, फेरि पनि पैसाको माग बढ़्दै गयो। आफूलाई सन्देह लागेपछि उनले मनीषलाई फोन कल गरेर सम्पर्क गरे जसबाट आफू ठगिएको थाहा लाग्यो। साइबर थाना पुलिसले श्रीभगवानको सिकायतमा अज्ञात मानिसहरूविरूद्ध धोकाधड़ीको मामिला दर्ता गरेको छ। शुक्रवार जानकारी गराउँदै साइबर थानाका जाँच अधिकारी धर्मवीरले बताए, परिचित भएर राशि हड़पेको सिकायत प्राप्त भएको छ। हाल अज्ञात मानिसहरूविरूद्ध मामिला दर्ता गरिएको छ। मामिलाको जाँच गरिंदैछ।

हिन्दुस्थान समाचार / उष्णता छेत्री शर्मा