धर्मशाला, १९ सेप्टेम्बर (हि.स.)। हिमाचल प्रदेशको पालमपुर पुलिस थानाको टोलीले बिन्द्रावन स्थित सिद्धपुर सरकारी विद्यालय नजिक गस्तीका क्रममा एक महिलालाई १०.५२ ग्राम हेरोइन सहित पक्राउ गरेको छ। पुलिसले आरोपी महिला विरुद्ध लागुऔषध तथा एनडीपीएस एक्ट अन्तर्गत पालमपुर थानामा मुद्दा दर्ता गरी थप कारबाही अघि बढ़ीएको छ।
पुलिस अनुसार, शुक्रवार राति गस्तीमा रहेको टोलीले एक महिलालाई एक्लै आउँदै गरेको देखेको थियो। पुलिस टोलीलाई देखेपछि ती महिला आत्तिएर भाग्न खोज्नुका साथै आफ्नो हातमा रहेको समान नजिकैको झाड़ीमा फ्याँकेकी थिइन्। महिला पुलिसको सहयोगमा सतर्कता अपनाउँदै उनलाई घटनास्थलमै नियन्त्रणमा लिइयो।
स्थानीय पार्षदको उपस्थितिमा गरिएको खानतलासीका क्रममा झाड़ीमा फ्याँकिएको समानबाट १०.५२ ग्राम हेरोइन तथा ७३९ रुपियाँ नगद जफत भएको पुलिसले जनाएको छ। घटनाको गम्भीरतालाई ध्यानमा राख्दै आरोपी महिला विरुद्ध लागुऔषध तथा एनडीपीएस एक्ट अन्तर्गत मुद्दा दर्ता गरिएको छ।
आरोपी महिला पालमपुर नजिकैको बिन्द्रावन निवासी रहेको बताइएको छ। पुलिसले उक्त महिला रातको समयमा हेरोइन कहाँबाट लिएर आएकी थिइन् र कसलाई दिन जाँदै थिइन् भन्ने विषयमा अनुसन्धान गरिरहेको छ। घटना सम्बन्धी थप कानूनी प्रक्रिया नियमानुसार जारी रहेको पुलिसले जानकारी गराएको छ।
हिन्दुस्थान समाचार / भवानी थामी
