मालदा, 19 सेप्टेम्बर (हि.स.)। जिल्लामा राजनीतिक दल-बदलको सिलसिला तीव्र हुँदै गइरहेको छ। चाँचल-1 ब्लकको खरबा क्षेत्रमा आयोजित एक कार्यक्रममा कङ्ग्रेसले तीन सयभन्दा अधिक तृणमूल कङ्ग्रेस कार्यकर्ताहरूलाई पार्टीमा सामेल गराएको दाबी गरेको छ।
आशापुरमा आयोजित यस कार्यक्रममा दक्षिण मालदाबाट कङ्ग्रेस सांसद औ मालदा जिल्ला कङ्ग्रेस कमिटीकी अध्यक्ष ईशा खान चौधरीको उपस्थितिमा यी कार्यकर्ताहरू कङ्ग्रेसमा सामेल भए। कार्यक्रममा चाँचलका पूर्व कङ्ग्रेस विधायक आसिफ महबूब, मालतीपुरका पूर्व विधायक अलबेरुनी जुलकरनैन, वरिष्ठ नेता स्वपन राय चौधरी औ हिरण्मय पाण्डे समेत पार्टीका केही नेताहरू उपस्थित थिए।
ईशा खान चौधरीले भनिन्, जिल्लाका विभिन्न ब्लकहरूमा लगातार सदस्यता अभियान स़्चालन भइरहेको छ। ठूलो सङ्ख्यामा मानिसहरू कङ्ग्रेससित जोड़िँदैछन्। यीमध्ये ठूलो सङ्ख्यामा यस्ता मानिसहरू छन् जो पहिला तृणमूल कङ्ग्रेसमा सामेल थिए। उनले भनिन्, मालदा एक समयमा कङ्ग्रेसको बलियो गढ़ थियो भने पार्टी फेरि आफ्नो सङ्गठनात्मक शक्तिलाई मजबुत बनाउने दिशामा अग्रसर भइरहेको छ।
स्मरण गराइन्छ, हालैमा खरबा ग्राम पञ्चायत तृणमूल कङ्ग्रेसदेखि कङ्ग्रेसको हातमा पुगेको थियो। पञ्चायतकी नयाँ प्रधान परविना खातून र उपप्रधान हुस्नआरा खातून भएका छन्। चाँचलका पूर्व कङ्ग्रेस विधायक आसिफ महबूबले भने, खरबा जस्तो महत्वपूर्ण ग्राम पञ्चायतमा कङ्ग्रेसको नियन्त्रण भएपछि पार्टीको सङ्गठन मजबुत भएको छ।
हिन्दुस्थान समाचार / उष्णता छेत्री शर्मा