शिमला, २३ सेप्टेम्बर (हि.स.)। ठियोगमा फेसबुकमा कथित रूपमा आपत्तिजनक तथा मानहानिकारक पोस्ट गरेको आरोपमा पुलिसले मुद्दा दर्ता गरेको छ। शाली बजार, ठियोग निवासी उजुरीकर्ता अनिल ग्रोवरले पुलिसलाई दिएको उजुरीमा सुनील शर्मा नाम गरेका व्यक्तिले ‘आस्था फाउन्डेसन ठियोग ट्रस्ट’ नामको फेसबुक खाताबाट विभिन्न पोस्ट गरेको आरोप लगाएका छन्।
उजुरीकर्ता अनुसार, ती पोस्टहरूमा विभिन्न व्यक्तिलाई लक्षित गर्दै अतिक्रमण, गुन्डागर्दी, ठेकेदार तथा अन्य विषयलाई लिएर कथित रूपमा आपत्तिजनक टिप्पणी गरियो। यस्ता टिप्पणीका कारण सम्बन्धित व्यक्तिहरूको प्रतिष्ठामा क्षति पुगेको उनको आरोप छ।
पुलिसले भारतीय न्याय संहिताको धारा ३५१(१) र ३५६ अन्तर्गत मुद्दा दर्ता गरी अनुसन्धान शुरु रु गरेको छ। पुलिस शले उक्त फेसबुक खाता तथा सम्बन्धित ट्रस्टको दर्ता र अन्य विवरणबारे समेत जाँच गरिरहेको जनाएको छ।
हिन्दुस्थान समाचार / भवानी थामी
