खरसाङ, २४ सेप्टेम्बर (हि.स.)। प्रधानमन्त्री आवास योजना हाउस फर अलका सम्पूर्ण लाभार्थीहरूको महत्वपूर्ण सभा शनिबार खरसाङस्थित एक होटलको सभाहलमा दिउँसो २ बजी आयोजना हुने भएको छ।

सभामा नगरपालिकाले हालसम्म लाभार्थीहरूको मागपछि उपलब्ध गराएको प्रतिवेदनमा समावेश विवरण, योजनाको वास्तविक अवस्था तथा अझैसम्म लाभार्थीहरूले पाउनुपर्ने रकम भुक्तानी हुन नसक्नुका कारणबारे विस्तृत छलफल गरिने जानकारी रामकृष्ण शर्माले दिएका छन्।

यसैबीच, शर्माले नगरपालिका प्रशासनले अब पनि लाभार्थीहरूको बाँकी रकम भुक्तानी नगरेमा कडा कदम चाल्ने चेताउनी दिएका छन्। लाभार्थीहरूको हकको रकम भुक्तानीमा थप ढिलाई स्वीकार्य नहुने बताउँदै उनले नगरपालिकासँग यस विषयमा स्पष्ट जवाफ दिनुका साथै तत्काल कार्यान्वयन गर्न माग गरेका छन्।

सभामा प्रधानमन्त्री आवास योजना हाउस फर अलका सम्पूर्ण लाभार्थीहरूलाई उपस्थित भई आगामी कदमबारे हुने छलफलमा सहभागी हुन आह्वान गरिएको छ।

हिन्दुस्थान समाचार / हनोक