नवादा, ३० सेप्टेम्बर (हि.स.)। बिहारको नवादा जिल्लाको परनाडाबर थाना क्षेत्रको महुगाय गाउँ स्थित बगैँचामा गत २८ सेप्टेम्बरमा जलेको अवस्थामा भेटिएको युवकको शव प्रकरणमा पुलिसले २४ घण्टाभित्रै हत्याको रहस्य खोलेको छ।
पुलिस अधीक्षक अभिनव धीमनको नेतृत्व तथा रजौलीका एसडीपीओको निर्देशनमा गठित विशेष अनुसन्धान टोलीले वैज्ञानिक तथा प्राविधिक अनुसन्धानका आधारमा मुख्य आरोपीलाई पक्राउ गरेको छ। घटनामा संलग्न एक आरोपीसँगै कानूनविपरीत कार्यमा संलग्न एक किशोरलाई पनि नियन्त्रणमा लिइएको छ।
मृतकको पहिचान सोफी कुमार (२१) का रूपमा भएको थियो। फरेन्सिक टोलीले घटनास्थलबाट वैज्ञानिक प्रमाण संकलन गरेको थियो। विशेष अनुसन्धान टोलीले प्राविधिक निगरानी र मानव स्रोतको सहयोगमा दुई संदिग्धलाई पक्राउ गरी सोधपुछ गरेको थियो।
पुलिस अनुसार, मृतक र आरोपीहरूबीच सिमकार्ड तथा पैसाको लेनदेनलाई लिएर पहिलेदेखि विवाद थियो। घटनाको एक दिनअघि नयाँ सिमकार्ड निकाल्ने विषयमा पुरानो रकम र नयाँ लेनदेनलाई लिएर पुनः विवाद भएपछि हत्या भएको प्रारम्भिक अनुसन्धानबाट खुलेको छ।
हिन्दुस्थान समाचार / भवानी थामी
