गान्तोक, 13 अक्टोबर (हि.स.)। सिक्किम सरकारको सहकारिता विभागकी सचिव ग्लोरिया नामचु र विभागका अन्य अधिकारीहरूले आज राजभवनमा सिक्किमका राज्यपाल ओमप्रकाश माथुरसॅंग शिष्टाचार भेट गरे।

यस भेटको क्रममा सचिव नामचुले राज्यपाललाई 'अन्तरराष्ट्रिय सहकारिता वर्ष 2025' को उपलक्ष्यमा आगामी 15 अक्टोबर, 2025 मा राजभवनमा आयोजित हुने कार्यक्रममा मुख्य अतिथिको रूपमा सम्मिलित हुन औपचारिक आमन्त्रण गरे, जसलाई राज्यपालले स्वीकार गरेको राजभवनले बताएको छ।

यस अवसरमा राज्यपालले सहकारिता विभागद्वारा सञ्चालित विभिन्न कार्यक्रमहरूको बारेमा जानकारी प्राप्त गरे। उनले विशेष रूपमा दुग्ध सहकारी समितिहरू र त्यसमा महिलाहरूको भागीदारीको सम्बन्धमा सोधपुछ गरे। उनले आर्थिक सुदृढ़ताका लागि महिलाहरूको सक्रिय भागीदारीमाथि जोड दिए।

राज्यपालले बॉंस उत्पादहरूको प्रचार-प्रसार र मार्केटिङलाई सहकारी प्रयासहरूको माध्यमले बढावा दिन सुझाउ दिए। उनले भने, सिक्किमको स्थानीय दूधले निर्मित चीज उत्पादहरूलाई राज्य, राष्ट्रिय र अन्तरराष्ट्रिय स्तरमा ब्राण्डिङ र मार्केटिङको लागि विशेष प्रयास गरिनुपर्छ। साथै, सिक्किमको पूर्ण जैविक राज्यको पहिचानलाई कायम राख्दै सहकारी संस्था र एफपीओसॅंग मिलेर सतत विकासको दिशामा ठोस पहल गरिनुपर्छ।

बैठकमा सहकारिता विभागकी सचिवले आफ्नो विभागको कार्यप्रणाली र उपलब्धीहरूको बारेमा पनि जानकारी साझा गरेकी थिइन्।

हिन्दुस्थान समाचार / बिशाल