हजारीबाग, 23 अक्टोबर (हि.स.)। जिल्लाको छठ पोखरीस्थित श्री चित्रगुप्त मन्दिरमा बिहीवार चित्रगुप्त पूजा श्रद्धा अनि उत्साहको साथमा सम्पन्न गरियो। बिहानदेखि नै मन्दिर परिसरमा श्रद्धालुहरूको व्यापक भीड़ उर्लियो। भक्तहरूले प्रत्येक प्राणीको लेखाजोखा राख्ने चित्रगुप्त भगवानको विधिवत पूजा-अर्चना गरे अनि परिवारको सुख-समृद्धि एवं कल्याणको कामना गरे।

पूजाको शुरुआत वैदिक मन्त्रोच्चारसितै आचार्यहरूले गराए। यस अवधि भजन-कीर्तन र आरतीको साथमा सम्पूर्ण वातावरण भक्तिमय भयो। सयकड़ौं पुरूष महिलाहरूले पारम्परिक वेशभूषामा सजिएर भगवान चित्रगुप्तको पूजा अर्चना गरी प्रसाद अर्पण गरे। यस अवसरमा मन्दिर परिसरलाई आकर्षक फूलहरूले सजाइएको थियो। कार्यक्रमको आयोजन समस्त चित्रांश समाज हजारीबागद्वारा गरिएको थियो।

हिन्दुस्थान समाचार / उष्णता छेत्री शर्मा