केदारनाथ धामका कपाट शीतकालका लागि बन्द
केदारनाथ (उत्तराखण्ड), २३ अक्टोबर (हि.स.)। श्री केदारनाथ धामका कपाट आज बिहान ठीक ८ः३० बजे वैदिक मन्त्रोच्चारण, पूजा–अर्चना तथा धार्मिक परम्पराअनुसार शीतकालका लागि बन्द गरिएको छ। कपाट बन्द गर्ने प्रक्रिया बिहान ४ बजे विशेष पूजा–अर्चनासँगै सुरु गरिएको थियो।
यस अवसरमा मुख्यमन्त्री पुष्कर सिंह धामी, रुद्रप्रयागका जिल्ला अधिकारी प्रतीक जैन, पुलिस अधीक्षक अक्षय कोंडे, बीकेटीसीका मुख्य कार्यकारी अधिकारी विजय थपलियाल, तीर्थ पुजारीहरू र भक्तजनहरू उपस्थित थिए।
कपाट बन्द भएपछि बाबा केदारनाथको डोली ओंकारेश्वर मन्दिर, ऊखीमठतर्फ प्रस्थान गरेको छ। डोलीको पहिलो बास रामपुरमा हुनेछ। भोलि डोली गुप्तकाशी पुग्नेछ र २५ अक्टोबरमा आफ्नो गद्दीस्थान ओंकारेश्वर मन्दिर, ऊखीमठमा पुग्नेछ।
---------------
हिन्दुस्थान समाचार / भवानी थामी
सम्बन्धित समाचार
