नयाँ दिल्ली, २३ अक्टोबर (हि.स.)। सोनाम वाङ्चुककी पत्नी गीताञ्जलीले सर्वोच्च अदालतमा हलफनामा दायर गरेर राजस्थान पुलिस र इन्टेलिजेन्स ब्यूरोले उनलाई पछ्याइरहन्छन् भनी दाबी गरेकी छन्। साथै, गीताञ्जलीले भनिन्, उनीमाथि दिल्लीमा पनि निगरानी राखिएको थियो।
गीताञ्जलीले अदालतलाई भनिन्, जब उनी जोधपुर जेलमा आफ्ना श्रीमानसँग भेट्न गइन्, तब उनीमाथि नजिकबाट निगरानी राखिएको थियो। जब उनी ७ र ११ अक्टोबरमा पति भेट्न जोधपुर पुगे, एयरपोर्टमा अवतरण गर्दै गर्दा नै उनलाई पुलिसले आफ्नो वाहनमा बस्न लगायो। हरेक यात्राअघि उनी अधिकारीहरूसँग यात्रा विवरण साझा गर्न बाध्य थिइन्। यहाँसम्म कि श्रीमानसँग भेट्दा पनि डीसीपी मंगलेश र एक महिला कन्स्टेबलले उनको कुराकानी सुन्दै नोट गरिरहेका थिए। हलफनामामा भनिएको छ, जोधपुरमा गीताञ्जलीलाई कसैसँग भेट्न अनुमति दिइएको थिएन। यस्तो कार्य संविधानले प्रदान गरेका अधिकारहरूको खुला उल्लंघन हो।
केन्द्र सरकारले १५ अक्टोबरमा भनेको थियो, सोनाम वाङ्चुकलाई उनी पक्राउ परेका कारण बताइएको छ। त्यसपछि गीताञ्जलीको तर्फबाट पेश वकिल कपिल सिब्बलले भनेका थिए कि पक्राउको कारण चुनौती दिन याचिकामा संशोधन आवश्यक छ। सिब्बलले बताए अनुसार, सोनाम वाङ्चुकले आफ्ना नोट्स तयार गरेका छन्, तर ती नोट्स पत्नीलाई साझा गर्न दिइएको छैन। अदालतले वकिलमार्फत ती नोट्स पत्नीलाई उपलब्ध गराउने आदेश दिएको थियो।
कपिल सिब्बलले ६ अक्टोबरमा भनेका थिए, हिरासत गलत छ, हामी यसको विरोध गर्छौं। सुनुवाईको क्रममा, केन्द्र सरकारको तर्फबाट पेश सलिसिटर जनरल तुषार मेहता भनेका थिए कि सोनम वाङ्चुकलाई पक्राउको कारणको प्रति उपलब्ध गराइएको छ।
याचिकामा सोनिम वाङ्चुकको पक्राउलाई चुनौती दिइएको छ। उनी २६ सेप्टेम्बरमा पक्राउ परेका थिए र हाल जोधपुर जेलमा बन्द छन्। गीताञ्जलीले आफ्ना पति रिहा गर्न माग गर्दै भनिन्, पक्राउको एक हप्तापछि पनि उनका स्वास्थ्यबारे उनलाई कुनै जानकारी दिइएको छैन।
उल्लेखनीय छ, सोनाम वाङ्चुक लद्दाखलाई पूर्ण राज्यको दर्जा दिन माग गर्दै आन्दोलनमा थिए। यस क्रममा लद्दाखमा भएको हिंसाका कारण गोलीबारीमा ४ जनाको मृत्यु भएको थियो।
हिन्दुस्थान समाचार / भवानी थामी
