गान्तोक, 25 अक्टूबर (हि.स.)। सिक्किमको दुई दिवसीय भ्रमणमा आएका मिजोरमका राज्यपाल जनरल वीके सिंहले‌ आज सिक्किमका राज्यपाल ओम प्रकाश माथुरसँग राजभवनमा शिष्टाचार भेट गरे।

राजभवन अनुसार, यस अवसरमा राज्यपालहरूले आफ्ना-आफ्ना राज्यका विकासात्मक गतिविधिहरूमा सकारात्मक छलफल गरे, जसमा विशेषगरी पूर्वोत्तर क्षेत्रमा समावेशी विकास र क्षेत्रीय सहकार्यलाई प्रवर्द्धन गर्ने विषयमा जोड दिइयो। राज्यपाल माथुरले जनरल वीके सिंहलाई सिक्किम राज्यमा हार्दिक स्वागत गर्दै उनको सुखद र स्मरणीय भ्रमणको शुभकामना व्यक्त गरेका छन्।

यसअघि, मिजोरमका राज्यपालको स्वागत ब्ल्याक क्याट डिभिजनका जीओसी मेजर जनरल एमएस राठौर र गृह विभागकी सचिव बिनु गुरुङले गरेको थियो। यस क्रममा भारत-तिब्बत सीमा पुलिसद्वारा उनलाई गार्ड अफ अनर प्रदान गरिएको थियो।

हिन्दुस्थान समाचार / बिशाल