पूर्व मेदिनीपुर, 27 अक्टोबर (हि.स.) : “राष्ट्राय स्वाहा, इदं न मम” अर्थात केही पनि मेरो होइन, सबै कुरा राष्ट्रको लागि समर्पित। यसै प्रेरणादायक भावलाई माध्यम बनाएर भारत माताको सेवामा निष्ठापूर्वक कार्यरत स्वयंसेवक संघले आफ्नो सय वर्ष पूरा गरेको छ। शताब्दि वर्षको यस ऐतिहासिक अवसरलाई स्मरणीय बनाउन तथा आत्मा पुनर्जागरणको सन्देशलाई समाजसम्म पुऱ्याउने ध्येय लिएर आइतवार साँझ कान्थी टाउन हलमा विशिष्टागरिक सम्मेलन आयोजना गरियो।

कार्यक्रमका मुख्य वक्ता थि राष्ट्रिय स्वयंसेवक संघका क्षेत्र सह-प्रचार प्रमुख एवं टाटा इन्स्टीट्यूट्स अफ सोशल साइन्सेजका वैज्ञानिक डा. जीष्णु बसु। डा. बसुले भने, भारतवर्ष सदैव हिन्दू जीवन दर्शनको प्रतीक रहिआएको छ। हिन्दू धर्मको कुनै पन्थ छैन जबकि यो एउटा जीवन पद्धति हो जसमा सत्य, अहिंसा, आत्मबल, संयम औ परस्पर प्रेम जस्तो मूल्य निहित छ।

डा. बसुले भने, “स्वयंसेवक”- को अर्थ हो स्वयंलाई सेवा कार्यमा समर्पित गर्नु, देश र समाजहितमा आफ्नो जीवनलाई अर्पित गर्नु। संघले बितेको सय वर्षदेखिको जनसेवाको यसै परम्परालाई निर्वाह गर्दै समाजमा परिवारिक एकता, नैतिकता एवं समरसतालाई सुदृढ़ बनाउनको लागि दिगो कार्य गर्दै आइरहेको छ।

कार्यक्रममा अनुलिपि विभागका कार्यवाह गोपाल सामन्त, सहकार्यवाह गोपाल खांडा, कान्थि खण्ड कार्यालयका पार्थ दास तथा भवतरन मुखर्जी सहित अनेकौं गणमान्य व्यक्तिहरू उपस्थित थिए।

हिन्दुस्थान समाचार / उष्णता छेत्री शर्मा