गान्तोक, 28 अक्टोबर (हि.स.)। सिक्किमका लोकसभा सांसद डा. इन्द्रहाङ सुब्बा 27 देखि 31 अक्टोबर, 2025 सम्म न्यूयोर्कमा आयोजना हुने संयुक्त राष्ट्र महासभाको 80औं सत्रमा सहभागी बनिरहेका छन्। उनी भारतको गैर-आधिकारिक संसदीय प्रतिनिधिमण्डलको हिस्सा हुन्।

भ्रमणको पहिलो दिन 13 सदस्यीय संसदीय प्रतिनिधिमण्डलले संयुक्त राष्ट्र संघमा भारतको संलग्नता सम्बन्धी एक संक्षिप्त सत्रमा भाग लिए, जुन संयुक्त राष्ट्र संघका लागि भारतका स्थायी प्रतिनिधिले सञ्चालन गरेको थियो। सत्रपछि संयुक्त राष्ट्रमा कार्यक्रम नियोजन, वित्त र बजेटका नियन्त्रक तथा सहायक महासचिव चन्द्रमौली रामनाथनद्वारा अन्तरक्रिया र संक्षिप्त जानकारी दिइयो।

अन्तरक्रिया अवधि संयुक्त राष्ट्र संघमा भारतको सक्रिय भूमिका र प्राथमिकताहरू, विशेष गरी दिगो विकास, शान्ति स्थापना र बहुपक्षीय सहयोग सम्बन्धी क्षेत्रहरूमा बहुमूल्य अन्तर्दृष्टि प्रदान गरियो। भ्रमणको क्रममा भारतीय सांसदहरूले भारत-संयुक्त राष्ट्रसंघ साझेदारीको बहुआयामिक प्रकृतिको बारेमा थप जानकारी प्राप्त गर्ने सांसद सुब्बाले आज प्रेस विज्ञप्तिमा बताएका छन्।

सांसद सुब्बाले लोकसभा अध्यक्ष ओम बिरला र सरकारलाई संयुक्त राष्ट्रसंघको कार्यप्रणाली र विश्वव्यापी मञ्चमा भारतको महत्त्वको बारेमा प्रत्यक्ष ज्ञान प्राप्त गर्न बहुमूल्य अवसरको लागि गहिरो कृतज्ञता व्यक्त गरेका छन्।

हिन्दुस्थान समाचार / बिशाल