सारण, 15 नोभेम्बर (हि.स.)। सारण जिल्लाको राजनीतिक परिदृश्यमा यसपालि विधानसभा चुनाउले एउटा नयाँ अध्याय थपेको छ। जिल्लाको इतिहासमा यो सम्भवतः पहिलो अवसर हो जतिबेला एकसाथ दुईजना महिलाहरू चयन भएर विधानसभामा पुगेका छन्। यो उपलब्धिले महिलाहरूको बढ़्दो राजनीतिक सशक्तिकरणलाई मात्र दर्शाउँदैन जबकि क्षेत्रको राजनीतिलाई पनि एउटा नयाँ दिशा दिन्छ। एनडीए समर्थित बीजेपीकी छोटी कुमारीले छपरा विधानसभा सीटबाट जीत दर्ता गरेकी छन्। उनले आफ्ना प्रतिद्वन्द्वी भोजपुरीका सुपरस्टार खेसारी लाल यादव उपनाम शत्रुघ्न यादव आरजेडीलाई परास्त गरेकी छन्। विधानसभा चुनाउमा उत्रिनपूर्व छोटी जिल्ला परिषद अध्यक्ष रहिसकेकी छन्। यो जीतलाई उनको राजनीतिक जीवनको दोस्रो पारीको शुरूआत मानिँदैछ।यसरी नै महागठबन्धन समर्थित आरजेडीकी डा. करिश्मा रायले परसा विधानसभा सीटबाट जीत हासिल गरेर राजनीतिमा प्रवेश गरेकी छन्। डा. करिश्मा राय एक राजनीतिक घरानाबाटआएकी हुन्। उनी बिहारका पूर्व मुख्यमन्त्री दारोगा प्रसाद रायकी नातिनी हुन् भने पूर्व मन्त्री चन्द्रिका रायकी भतिजी हुन्। उनले आफ्नो जीतबाट साबित गरिन्कि जब पारिवारिक पृष्ठभूमि राजनीति हुन्छ तब सफलता अवश्य हासिल हुन्छ। परसा सीटमा उनको प्रतिस्पर्धा जेडीयूका प्रत्याशी छोटे लाल रायसित भएको थियो। सारणका यी दुई महिला विधायकहरू क्रमैले भाजपाकी छोटी कुमारी र आरजेडीकी डा. करिश्मा रायको जीतले यो स्पष्ट पारिदिएको छ कि जिल्लाको राजनीतिमा अब महिला प्रतिनिधित्वको आवाज सशक्त भइरहेको छ।

हिन्दुस्थान समाचार / उष्णता छेत्री शर्मा