कोलकाता, 15 नोभेम्बर (हि.स.)। कोलकाताको बड़ा बजारमा शनिबार बिहान ठूलो आगलागी भयो। एजरा स्ट्रिटमा रहेको विद्युतीय सामानको दोकानमा लागेको आगोले सम्पूर्ण क्षेत्रमा हलचल मचियो। आगो यति तीव्र थियो कि यो हेर्दाहर्दै नजिकैका भवनहरू, अन्य दोकानहरू र गोदामहरूसम्म फैलियो।
अग्निशमन विभागका अनुसार, शनिबार बिहान ५ बजेतिर आगलागीको खबर आएको थियो। शुरुमा आगो निभाउन छवटा दमकलका गाडीहरू पुगे, तर आगोको भयावहताका कारण पछि यो संख्या बढाएर २१ पुर्याइयो। बाक्लो बस्ती भएको क्षेत्र र ज्वलनशील पदार्थहरूका कारण आगोलाई नियन्त्रण गर्न अत्यन्तै गाह्रो बनायो। घटनास्थलमा रहेका अग्निनियन्त्रकहरूले आगो नियन्त्रण गर्ने प्रयास जारी राखेका छन्।
धुवाँको बाक्लो बादलले सम्पूर्ण क्षेत्रलाई ढाकेको छ। सुरक्षा उपायको रूपमा वरपरको बिजुली आपूर्ति काटिएको छ। स्थानीय व्यवसायहरूले आगलागीले ठूलो आर्थिक क्षति पुर्याउने सम्भावना रहेको बताएका छन्, किनकि यस क्षेत्रका धेरै दोकानहरू पूर्ण रूपमा नष्ट भएका छन्।
कोलकाता पुलिसका डीसी सेण्ट्रल पनि घटनास्थलमा पुगे र अग्नि नियन्त्रक अधिकारीहरूसँग स्थितिको मूल्याङ्कन गरे।
दमकल मन्त्री सुजित बोसले प्रारम्भिक जॉंचमा आगलागी सर्ट सर्किटका कारण भएको हुन सक्ने बताए। जॉंच जारी छ। उनले कारण पत्ता लगाउन पुलिस र अग्नि नियन्त्रक विभागको संयुक्त टोली गठन गरिने बताए।
हिन्दुस्थान समाचार / भवानी थामी
