श्रीनगर, 30 नोभेम्बर (हि.स.)। उत्तरी कश्मीरको बान्दीपोरा जिल्ला अन्तर्गत गुरेज उपत्याकामा नियन्त्रण रेखा निकट बागतौर क्षेत्रमा लागेको भयानक आगोलाई आइतवार चौधो दिन पनि निभाउन सकिएन जसकारण वन भूमिको एउटा ठूलो भाग नष्ट भएको छ साथै व्यापक रूपमा रूखहरूलाई क्षति पुगेको छ।

अधिकारीहरू अनुसार वन विभाग, वन्यजीव विभाग, भारतीय सेना, जम्मू-कश्मीर पुलिस औ स्थानीय स्वयंसेवकहरूको संयुक्त टीमले आगोलाई नियन्त्रण गर्न तथा वरपरका क्षेत्रमा फैलिन नदिनका लागि चौबिसै घण्टा काम गरिरहेको छ। यो आगो वन कम्पार्टमेन्ट-32 मा लागेको हो जुन एलओसी नजिक एक दूरस्थ पहाड़ी स्थान हो। सुक्खा घाँस र घना झाड़ीले आगोलाई अझ तीव्र बनाएको छ साथै प्रारम्भिक रोकथामका प्रयासहरूमा बाधा उत्पन्न गरेको छ।

वन अधिकारी जाविद इकबालले बताए, केही दिनदेखिको निरन्तर अभियान संचालन गरेर आगोलाई केही हदसम्म नियन्त्रण गरिएको छ। रहल हटस्पटमा आगोलाई नियन्त्रण गर्ने प्रयास जारी छ। उनले भने, पहाड़ी क्षेत्र भएको कारणले आगोलाई निभाउन धेरै गाह्रो भइरहेको छ। घटनास्थलसम्म पुग्नको लागि कुनै सड़क सम्पर्क छैन। दमकल वाहन त्यस क्षेत्रसम्म पुग्न सक्दैन। इकबालले भने, हाम्रा टीमहरू आगोलाई निभाउनको लागि पूर्ण रूपले म्यानुअल ढंगमाथि निर्भर छन्। आगलागीको सही कारण अहिलेसम्म पत्तो लाग्न सकेको छैन। आगोलाई पूर्ण रूपले निभाइसकेपछि विस्तृत मूल्यांकन गरिनेछ।

हिन्दुस्थान समाचार / उष्णता छेत्री शर्मा