नाम्ची, ११ दिसम्बर (हि.स.)। सिक्किम विधानसभाकी उपाध्यक्ष एवं क्षेत्र विधायक राजकुमारी थापा आज राङ्गाङ याङ्गाङ निर्वाचन क्षेत्रअन्तर्गत राभाङ्गलामा आयोजित ‘नगर वन सोशल फरेस्ट्री’ कार्यक्रमको भूमिपूजन समारोहमा सहभागी बनिन्।सिक्किम सरकारको वन तथा पर्यावरण विभागद्वारा आयोजित उक्त कार्यक्रम राज्यका मुख्यमन्त्रीको दिगो वन व्यवस्थापनलाई प्रतिबिम्बीत गर्ने महत्वपूर्ण पहल रहेको वन विभागले जनाएको छ।नगर वन सोशल फरेस्ट्री’ पहलले दिगो वन व्यवस्थापन अभ्यासलाई प्रवर्द्धन गर्ने, जैविक विविधताको संरक्षण गर्ने तथा क्षेत्रको पारिस्थितिक सन्तुलनलाई सुदृढ़ बनाउने लक्ष्य राखेको छ। यस कार्यक्रमले स्थानीय समुदायलाई लाभ पुर्याउने र राज्यका पर्यावरणीय संरक्षण प्रयासमा महत्वपूर्ण योगदान दिने अपेक्षा गरिएको छ।कार्यक्रमका सहभागीहरूले पर्यावरण संरक्षण र दिगो विकास प्रवर्द्धनमा सामूहिक प्रयासको महत्वपूर्ण भूमिकामा जोड दिए।कार्यक्रममा मुख्यमन्त्रीका ओएसडी कर्मा सुब्बा, जिल्ला पञ्चायत यप्छुङ भोटिया, पञ्चायत अध्यक्ष एमबी छेत्री, पञ्चायत सदस्यहरू, स्थानीय सर्वसाधारणको उपस्थिति थियो।
हिन्दुस्थान समाचार / बिशाल
