कोलकाता, 11 दिसम्बर (हि.स.)। कोलकाता नगरनिगम (केएमसी)-ले यसपालि क्रिसमस र नयाँ वर्षको उत्सव अवधि होटल, बार, नाइटक्लब तथा रेस्तराँमा विशेष निगरानी अभियान संचालन गर्नेछ। एकजना वरिष्ठ केएमसी अधिकारीले बताए, यो कदम मनोरञ्जन कर नियम एवं सुरक्षा मानकहरूको पालनलाई सुनिश्चित गर्नको लागि उठाइएको हो।
शहरमा उत्सवी सीज़नको तयारीशुरू भइसकेको छ। यसैलाई मध्यनजर गर्दै केएमसीले 23 दिसम्बरदेखि 3 जनवरीसम्म यी स्थानहरूमा कड़ा नजर राख्ने फसेला लिएको छ। यो निर्णय गोवाको एक नाइटक्लबमा हालैमा भएको आगलागीको घटनापछि लिइएको हो जसमा 25 जना मानिसहरूको मृत्यु भएको थियो।
केएमसी अधिकारीहरूले भने, तिहारको बेलामा कुनै पनि प्रकारको मनोरञ्जन कार्यक्रमको लागि नगरनिगमबाट अनुमति लिन अनिवार्य छ र मनोरञ्जन कर भुक्तान गर्न पनि आवश्यक छ। आरोप छ, केही होटल र हाई-एण्ड नाइटक्लबले हरेक वर्ष अनुमति बिनै कार्यक्रम आयोजना गर्ने गर्दछ। यसपालि यस्तो मामिलामा कड़ा कारबाही गरिनेछ।
एकजना अधिकारी ले बताए, “यदि कुनै कार्यक्रम अनुमति बिनै आयोजना भयो वा अनुमतिका शर्तहरूको उल्लंघन गरिए ठूलो जरीमाना लाग्नेछ। विशेष गरी यदि कार्यक्रम राती 12 बजेपछि भयो भने मनोरञ्जन कर दुई गुणा हुनेछ। निगरानीको लागि टीमहरू तैनाथ रहनेछन् र केही दिनमा आधा रातपछि पनि जाँच हुनेछ।”
हिन्दुस्थान समाचार / उष्णता छेत्री शर्मा