नयाँ दिल्ली, 2 दिसम्बर (हि.स.)। भाजपाका राष्ट्रिय अध्यक्ष तथा स्वास्थ्य एवं परिवार कल्याण तथा रसायन एवं उर्वरकमन्त्री जे.पी. नड्डाको जन्मदिनमा प्रधानमन्त्री नरेन्द्र मोदी, केन्द्रिय गृहमन्त्री अमित शाह, केन्द्रिय सड़क यातायात मन्त्री नितिन गडकरी, विभिन्न राज्यका मुख्यमन्त्रीहरू र धेरै वरिष्ठ नेताहरूले सामाजिक सञ्जाल प्लेटफर्म एक्समा शुभकामना दिॅंदै उनको योगदानको प्रशंसा गरेका छन् र उनको दीर्घायु र स्वस्थ जीवनको कामना गरेका छन्।
नड्डालाई जन्मदिनको शुभकामना दिँदै प्रधानमन्त्री मोदीले लेखे, उहाँको सरल र सहज व्यक्तित्व, संगठनात्मक सीप र सुशासनप्रतिको प्रतिबद्धताको लागि उहाँ सम्मानित हुनुहुन्छ। प्रधानमन्त्रीले भाजपा र स्वास्थ्य, रसायन तथा उर्वरक क्षेत्रलाई सुदृढ पार्न नड्डाको योगदानको प्रशंसा गरेका छन् र उनको दीर्घायु र स्वस्थ जीवनको कामना गरेका छन्।
केन्द्रिय गृहमन्त्री अमित शाहले भने, नड्डाले प्रत्येक व्यक्तिलाई गुणस्तरीय र किफायती स्वास्थ्य सेवा प्रदान गर्ने प्रधानमन्त्री मोदीको संकल्प पूरा गर्न निरन्तर काम गरिरहनुभएको छ। उनले संगठन विस्तारमा नड्डाको भूमिकाको प्रशंसा गर्दै उनको सुस्वास्थ्य र दीर्घायुको कामना गरेका छन्।
केन्द्रिय सड़क यातायात मन्त्री नितिन गडकरीले पनि नड्डालाई जन्मदिनको शुभकामना दिँदै उनको स्वस्थ र समृद्ध जीवनको लागि प्रार्थना गरेका छन्।
उत्तर प्रदेशका मुख्यमन्त्री योगी आदित्यनाथले भने, नड्डाको राष्ट्रिय हितप्रतिको समर्पण र सेवा कार्यकर्ताहरूका लागि प्रेरणा हो। उनले भगवान श्री रामलाई उनको दीर्घायु र सफलताको लागि प्रार्थना गरेका छन्। केन्द्रिय बन्दरगाह, ढुवानी र जलमार्ग मन्त्री सर्वानन्द सोनोवालले नड्डाको नेतृत्वलाई देशको स्वास्थ्य क्षेत्रमा परिवर्तनकारी बताउॅंदै उनको खुशी र समृद्धिको लागि देवी कामाख्यालाई प्रार्थना गरेका छन्।
मध्य प्रदेशका मुख्यमन्त्री मोहन यादवले नड्डाको दूरदर्शी नेतृत्वको प्रशंसा गर्दै उनको नेतृत्वमा पार्टी निरन्तर बलियो हुँदै गइरहेको बताएका छन्। उनले नड्डाको सुस्वास्थ्य र दीर्घायुको कामना गरेका छन्। राजस्थानका मुख्यमन्त्री भजनलाल शर्माले नड्डाको राष्ट्रिय नेतृत्व, समर्पण र राष्ट्रिय हितमा प्रयासको प्रशंसा गरेका छन्। उनले भगवान बालाजी महाराजलाई नड्डाको सुस्वास्थ्य र दीर्घायुको लागि प्रार्थना गरेका छन्।
यसरी नै उत्तराखण्डका मुख्यमन्त्री पुष्कर सिंह धामी, दिल्लीकी मुख्यमन्त्री रेखा गुप्ताले पनि नड्डालाई जन्मदिनको शुभकामना दिॅंदै उनको स्वस्थ र दीर्घायुको कामना गरेका छन्।
हिन्दुस्थान समाचार / भवानी थामी
