कार्बी आंगलोंग (असम), 23 दिसम्बर (हि.स.)। असमका मुख्यमन्त्री डा. हिमन्त बिस्व सरमाले मंगलवार स्पष्ट पारे, खेरोनीमा बेदखलीको मागलाई लिएर आरमण अनशनमा बसेका कुनै पनि व्यक्तिलाई पुलिसले पक्राउ गरेको छैन।
मुख्यमन्त्रीले बताए, केही अनशनकारीहरूको स्वास्थ्य बिग्रिएको कारणले उनीहरूलाई चिकित्सकीय उपचारको लागि गुवाहाटी ल्याइएको मात्र हो, कानूनी कारबाही गर्नको लागि होइन। मुख्यमन्त्रीले आज एक कार्यक्रममा सामेल भएपछि पत्रकारहरूसित बातचित गरिरहेका थिए।
उनले भने, उच्च न्यायालयको निर्देश अनुरूप पश्चिम कार्बी आंगलोंगमा कुनै पनि बेदखली अभियान चलाइएको छैन। स्थितिको जायजा लिनका लागि मन्त्री राणोज पेगु र पुलिस महानिदेशक (डीजीपी) स्वयं घटनास्थलमा पुगेका छन्। मुख्यमन्त्रीले भरोसा दिलाए, रातीसम्ममा स्थिति पूर्ण रूपले नियन्त्रित हुनेछ।
डा. सरमाले पश्चिम कार्बी आंगलोंगको घटनालाई लिएर प्रतिक्रिया व्यक्त गरिरहेका थिए साथै भनिरहेका थिए, सरकारले स्थितिमाथि लगातार नजर राखिरहेको छ ताकि कानून व्यवस्था कायम रहोस्।
उल्लेख्य, हिजो खेरोनीमा प्रदर्शनकारी र पुलिसबीच भएको झड़प अवधि भएको गोलीकाण्डमा तीनजना प्रदर्शनकारीहरू घाइते भएका थिए।
हिन्दुस्थान समाचार / उष्णता छेत्री शर्मा
23 Dec 2025