लखनऊ, 03 दिसम्बर (हि.स.)। उत्तर प्रदेशको राजधानी लखनऊको जानकीपुरम थाना क्षेत्रमा मंगलवार अबेर राति एक वृद्ध महिलाको हत्या गरिएको छ। प्रारम्भिक जाँचमा डकैतीको प्रतिरोध गर्दा हत्या भएको मानिरहेको छ। मृतकाको पहिचान यशोदपुरम सेक्टर आई निवासी नीलमा श्रीवास्तव (74) को रूपमा गरिएको छ।

बुधवार बिहान घरको ढोका खुल्ला देखेर भित्र पसेका छिमेकीहरूले वृद्ध महिलाको शव भुइँमा लड़ेको देखेपछि आत्तिएर तुरन्तै 112 नम्बरमा पुलिसलाई फोन गरे।

मृतकाको घाँटीमा चोट र दबाउको निशान थियो। कोठाभरि समानहरू छरिएका थिए र दराजको ताला फुटेको थियो। पुलिसले शवलाई पोस्टमार्टमको लागि पठाइएको छ।

एडीसीपी गोपीनाथ सोनीले बताए, परिवारका सदस्यहरूसँग गरिएको सोधपुछमा मृतका महिला नीलमा बिरामी रहने गरेको र टिफिन सेवा चलाउने गरेको थाहा लागेको छ। उनी घरमा एक्लै बस्थिन्। उनले घटनालाई गम्भीर बताए। लुटपाटको कारण पत्ता लगाउन अनुसन्धान भइरहेको छ। फोरेन्सिक टोलीले घटनास्थलबाट प्रमाण जुटाएको छ। घर नजिकै जडान गरिएको सीसीटीभी फुटेजमा राति 2.33 बजी एक संदिग्ध युवकलाई शाल ओडेर घर नजिकै गुज्रेको देखिएको छ। पुलिस उसको पहिचान खोलाउनमा जुटेको छ।

हिन्दुस्थान समाचार / भवानी थामी