बागलकोट, 03 दिसम्बर (हि.स.)। कर्नाटकको बागलकोट जिल्लाको जामखण्डी तालुकको सिद्धपुरा गाउँ नजिकै मंगलबार अबेर राति भएको भयानक सड़क दुर्घटनामा चार जनाको मृत्यु भएको छ। जामखण्डी ग्रामीण पुलिसले शवहरूलाई पोस्टमार्टमको लागि पठाएको छ। पुलिसले जाँच गरिरहेको छ।

बागलकोट-विजयपुरा राजमार्गमा रहेको सिद्धपुरा गाउँ नजिकै एक तीव्र रफ्तार कार उखुले भरिएको ट्रयाक्टरको पछिल्लो हिस्सासित ठोकियो। कार सवार तीन जनाको घटनास्थलमै मृत्यु भएको छ। गम्भीर रूपमा घाइते एक युवकलाई अस्पताल लगिएको थियो तर उसको पनि मृत्यु भएको छ। मृतकहरूको पहिचान विश्वनाथ कम्बरा (17), गणेश अरीमट्टी (20), इशु कम्बरा, प्रवीण शेडबल (22) र प्रज्वल शेडबाल (17) को रूपमा गरिएको छ। यी सबै सिद्धपुरा गाउँका बासिन्दा हुन्।

दुर्घटनाको जानकारी पाएपछि जामखण्डी ग्रामीण पुलिस चौकीबाट पुलिस घटनास्थलमा पुग्यो। पुलिसलाई कार चालक र अन्यले मादक पदार्थ सेवन गरेको हुनसक्ने आशंका छ। तीव्र गतिका कारण उनीहरूको कार उखुले भरिएको ट्रयाक्टर ट्रलीमा पछाड़ीबाट पस्यो। पुलिसले घटनाको छानबीन गरिरहेको छ।

हिन्दुस्थान समाचार / भवानी थामी