गान्तोक, 5 दिसम्बर (हि.स.)। सिक्किम सिविल सर्विस (एससीएस) का दुई वरिष्ठ महिला अधिकारीहरूलाई औपचारिक रूपमा भारतीय प्रशासनिक सेवा (आईएएस) मा सामेल गरिएको छ। २००२ को एससीएस ब्याचकी सारिका प्रधान र नोर्जिङ छिरिङ शेङ्गालाई २०२४ को चयन सूचीको लागि छुट्याइएको रिक्त पदहरूमा आईएएसमा नियुक्त गरिएको छ।

आईपीआर विभाग अनुसार, हाल सारिका प्रधान समाजिक कल्याण विभागकी सचिवको रूपमा कार्यरत छिन् भने नोर्जिङ छिरिङ शेङ्गा खाद्य तथा नागरिक आपूर्ति विभागकी सचिवको पदमा कार्यरत छिन्। दुवै अधिकारीहरूलाई अर्को आदेशसम्मका लागि आईएएसमा परिवीक्षामा नियुक्त गरिएको छ र आईएएस (क्याडर) नियम, १९५४ को नियम ५(१) अन्तर्गत सिक्किम क्याडरमा अलट गरिएको छ।

उनीहरूको नियुक्तिसँगै अधिकारीहरूले अब आईएएस फ्रेमवर्क अन्तर्गत जिम्मेवारीहरू ग्रहण गर्नेछन् र सिक्किम क्याडरमा आफ्नो सेवा जारी राख्नेछन्।

हिन्दुस्थान समाचार / बिशाल