नयाँ दिल्ली, ५ दिसम्बर (हि.स.)। पश्चिम बंगालका भाजपा प्रदेश अध्यक्ष तथा राज्यसभा सदस्य शामिक भट्टाचार्यले शुक्रबार सदनमा आदिना मस्जिदको विषय उठाए। उनले भने, जहाँ आज आदिना मस्जिद रहेको छ, त्यही स्थानमा पहिले आदिनाथ मन्दिर थियो, जसलाई भत्काएर हालको संरचना बनाइएको हो।
शुक्रबार शून्यकालका दौरान मुर्शिदाबाद जिल्लामा “बाबरी मस्जिद” को आधारशिला राखिएको भन्ने दाबीबारे टीएमसी (तृणमूल कांग्रेस) का विधायक हुमायूं कबीरको वक्तव्यमा भट्टाचार्यले भने, यो मन्दिर–मस्जिदको झगड़ा वा हिन्दू–मुस्लिमको विभाजन होइन। सिकन्दर एक लुटेरा थिए, उसले आदिनाथ मन्दिर नष्ट गराएर यहाँ मस्जिद बनाए।
उनका अनुसार, आज पनि त्यस स्थानमा मन्दिरका अवशेष स्पष्ट देखिन्छन्, कमलको आकृति, देवी–देवताका चिह्नहरू, र यहाँसम्म कि गणेश जीको मूर्ति पनि त्यहाँ विद्यमान छ। भाजपा सांसद भट्टाचार्यले टीएमसी विधायक हुमायूं कबीरको दाबीको निन्दा गरे, जसले चुनावी राज्यमा ठूलो राजनीतिक हलचल मच्चाएको छ।
भाजपाले दाबी गरेको छ, “पश्चिम बंगाललाई पश्चिम बङ्ग्लादेशमा बदल्ने प्रयास” भइरहेको छ। भट्टाचार्यले दाबी गरे, यो मस्जिद होइन, मन्दिर नै हो। पश्चिम बंगालका ७२ जन–समुदाय पनि आफ्नो मन्दिर फिर्ता चाहन्छन्।
उल्लेखनीय छ, आदिना मस्जिद पश्चिम बंगालको मालदा जिल्लामा अवस्थित छ। यो मस्जिद सन् १३६९ ईस्वीमा सुल्तान सिकन्दर शाहद्वारा बनाइएको थियो। यसलाई इलियास शाही वंशको कालखण्डको सबैभन्दा ठूलो मस्जिद मानिन्छ। भारतीय पुरातत्व सर्वेक्षण विभागले यसलाई ‘राष्ट्रिय महत्वको स्मारक’ घोषणा गरेको छ।
---------------
हिन्दुस्थान समाचार / भवानी थामी
