सिलगढ़ी, 05 दिसम्बर (हि.स.)। खोरीबाड़ीको पानीटंकी फ्लाइओवर क्षेत्रमा मादक पदार्थको तस्करीको आरोपमा तृणमूल कांग्रेस छात्र नेता सुरजीत साहालाई सशस्त्र सीमा बल (एसएसबी) ले पक्राउ गरेको छ।

वस्तुतः एसएसबीलाई बिहिवार गुप्त सूत्रहरूबाट सूचना प्राप्त भएको थियो कि एक युवक मर्फिनको खेप हाथबदली गर्ने तयारीमा छ। तुरन्तै कारबाही गर्दै एसएसबीले घटनास्थलमा पुगेर सुरजीत साहालाई पक्राउ गऱ्यो। जाँचमा उदेखि 102 ग्राम मोर्फिन जफत भयो। जसको अनुमानित बजार मूल्य लाखौं रूपियाँ बताइएको छ। एसएसबीले आरोपीलाई शुक्रवार खोरीबाड़ी थाना पुलिसलाई सुम्प्यो। खोरीबाड़ी थाना पुलिस अग्रिम कारबाहीमा जुटेको छ।

सूत्रहरू अनुसार, पक्रा परेको सुरजीत साहा नक्सलबाड़ी कलेजमा तृणमूल छात्र परिषदसित जोड़िएको छ। पढ़ाई पूरा गरेपछिपनि उ तृणमूल कांग्रेसका धेरै कार्यक्रमहरूमा सक्रिय रूपमा हिस्सा लिँदै आएको छ, जसको तस्वीरहरू सोशल मीडियामा छ। घटना अघि आएपछि राजनीतिक द्वन्द पनि चर्किएको छ।

हिन्दुस्थान समाचार / भवानी थामी