खरसाङ, 10 जून (हि.स.)। खरसाङ क्षेत्रका स्थानीय उद्यमीहरुले मिलेर सोमवारदेखि खरसाङमा आफैले बनाएका स्थानीय चीजबीजहरुलाई पाँच दिनव्यापी प्रदर्शनी तथा बिक्री शुरु गरेका छन्। आज, मंगलवार दोस्रो दिन पनि प्रदर्शनी तथा बिक्री जारी रह्यो।
खरसाङको स्थानीय उद्यमीहरु मिलेर आयोजित यो प्रदर्शनी तथा बिक्री खरसाङको गोर्खा जनपुस्तकालय भवनमा आयोजना गरिएको छ। उक्त पाँच दिनव्यापी प्रदर्शनी तथा बिक्री आगामी 13 जूनसम्म बिहान 9 बजीदेखि साँझ 6 बजीसम्म प्रत्येक दिन चल्ने बताइएको छ। उक्त पाँच दिनव्यापी प्रदर्शनी तथा बिक्री केन्द्रको उद्घाटन स्थानीय उद्यमी संगीता राईले रिबन काटेर गरेकी थिइन्। यस अवसरमा सभासद श्याम शेर्पाले पनि यसको अवलोकर गरेका थिए।
यस प्रदर्शनीमा स्थानीय उद्यमीहरुले बनाएका जातीय खाद्य सामग्रीहरु, फूलहरु, झोलाहरु, हातले बनाएका चीजबीजहरु राखिएका छन्। यस प्रदर्शनीको मुख्य उद्देश्य स्थानीय सर सामानहरुलाई अघि बढाउनु तथा स्थानीय उद्यमीहरुलाई बिजिनेस क्षेत्रमा मञ्च प्रदान गरेर अघि बढाउनु रहेको छ। उक्त पाँच दिनव्यापी प्रदर्शनी तथा बिक्रीमा सबैलाई आइदिन स्थानीय उद्यमीहरुले अनुरोध गरेका छन्।
हिन्दुस्थान समाचार / हनोक
12 Jun 2025