गान्तोक, 10 जून (हि.स.)। मुख्यमन्त्री प्रेमसिंह तामाङले सागा दावाको शुभ अवसरमा सिक्किमका जनता, विशेष गरी बौद्ध समुदायमा हार्दिक शुभकामना व्यक्त गरेका छन्।
मुख्यमन्त्रीले बौद्ध धर्ममा सबैभन्दा पवित्र चाडहरू मध्येको रूपमा पालन गरिने सागा दावाले भगवान बुद्धको ज्ञानप्राप्ति र महापरिनिर्वाणको स्मरण गराउॅंछ भनी बताएका छन्। यस चाडले अहिंसा, करुणा, भ्रातृत्व र सद्भावको उहाँको कालातीत शिक्षाको सम्झना गराउँछ, जसले मानवतालाई प्रेरित गरिरहन्छ।
मुख्यमन्त्रीले भने, उहाँको ज्ञानको तेजले घृणा र असहिष्णुताको छायाँलाई हटाएर शान्ति, सन्तुष्टि र आध्यात्मिक जागरणको युगको शुरुवात गरोस्। उनले जाति, सम्प्रदाय, लिङ्ग र धर्मका सबै विभाजनभन्दा माथि उठेर सत्य, धर्म र धार्मिकताको मार्गप्रति हाम्रो प्रतिबद्धतालाई पुन: पुष्टि गरौं भनी आह्वान गरेका छन्।
हिन्दुस्थान समाचार / बिशाल
