जयपुर, 10 जून (हि.स.)। राजस्थानमा मनसून आउन अगाड़ी गर्मीले सताउन थालेको छ। दिन र रात दुवै समय तापक्रम तीव्र गतिमा बढ़िरहेको छ। मौसम विज्ञान विभाग अनुसार, प्रदेशका धेरै हिस्साहरूमा आगामी एक हप्तासम्म मौसम शुष्क रहनेछ र लू-को साथ तीव्र गर्मीको असर बनिरहनेछ। गत 24 घण्टामा श्रीगंगानगर सबैभन्दा गरम शहर रह्यो, जहाँ अधिकतम तापक्रम 47.3 डिग्री सेल्सियस मापियो। बीकानेरमा 45.8, चूरूमा 45.6, फलोदीमा 45.2 र जैसलमेरमा 45 डिग्री सेल्सियस तापक्रम रेकर्ड गरियो। जयपुरमा सोमवार अधिकतम तापक्रम 43.8 र न्यूनतम तापक्रम 31.8 डिग्री सेल्सियस रह्यो।

मौसम विभाग अनुसार, आगामी तीन-चार दिनसम्म भीषण गर्मीबाट राहत पाउने सम्भावना छैन। पश्चिमी राजस्थानको बीकानेर, जैसलमेर, चूरू, झुंझुनूं र कोटा जिल्लाहरूमा तापक्रम 45 देखि 47 डिग्री सेल्सियसबीच रहनेछ। 15-16 जूनमा कोटा र भरतपुर सम्भागमा हल्का पानी पर्ने सम्भावना छ।

मंगलवार श्रीगंगानगर र हनुमानगढ़ जिल्लामा हीटवेवलाई लिएर रेड अलर्ट जारी गरिएको छ। बीकानेर र चूरूमा अरेञ्ज अलर्ट र झुंझुनूं, अलवर, भरतपुर, धौलपुर, जैसलमेर, कोटा र बून्दीमा यलो अलर्ट जारी गरिएको छ। 10 जूनसम्म तीव्र आंधीबेरी चल्ने पनि चेताउनी दिइएको छ। राजधानी जयपुरमा आज बिहान 7.30 बजी तापक्रम 32 डिग्री सेल्सियस मापियो।

आईएमडीका वरिष्ठ वैज्ञानिक राधेश्याम शर्माले भने, 16-17 जूनपछि बंगालको खाड़ीबाट आउने पूर्वी हावाको असर पूर्वी राजस्थानमा देख्न सकिनेछ। तबसम्म राज्यको अधिकांश हिस्साहरूमा भीषण गर्मी र लू- को क्रम जारी रहनेछ। विभागले मानिसहरूलाई दिउँसोको समय बाहिर ननिस्किने, पूरा पानी पिउने र घाँमदेखि जोगिने उपाय अपनाउने सुझाउ दिएको छ।

हिन्दुस्थान समाचार / भवानी थामी