देहरादून, 11 जून (हि.स.)। लोकसभा अध्यक्ष ओम बिरलाले बिहिवार 12 जूनमा मसूरी स्थित लाल बहादुर शास्त्री राष्ट्रिय प्रशासन अकादमीमा प्रशिक्षणरत भारतीय प्रशानिक सेवा (आईएएस) अधिकारीहरूलाई सम्बोधित गर्नेछन्। यस प्रशिक्षण कार्यक्रममा 19 राज्यबाट प्रोन्नत 97 अधिकारीहरूले हिस्सा लिइरहेका छन्।

जनसम्पर्क अधिकारीबाट प्राप्त जानकारी अनुसार, लोकसभा अध्यक्ष ओम बिरला 12 जून बिहान पौने दश बजी जौलीग्रान्ट एयरपोर्ट पुग्नेछन् र यसपछि 11.30 बजी मसूरी पुग्नेछन्। लोकसभा अध्यक्ष त्यही दिन दिल्ली फर्किनेछन्।

उल्लेख्य, मसूरी स्थित प्रशासनिक अकादमीमा 127औं इन्डक्शन ट्रेनिङ प्रोग्राम राज्य सिविल सेवाहरूबाट भारतीय प्रशासनिक सेवामा प्रोन्नत अधिकारीहरूको निम्ति विशेष रूपमा तयार गरिएको छ। यस पाठ्यक्रममा 19 राज्यको सेवाबाट प्रोन्नत 97 अधिकारी सामेल छन्, जसमा 73 पुरुष अधिकारी र 24 महिला अधिकारी छन्।

यो कार्यक्रम ‘विकसित भारत @2047 को राष्ट्रिय दृष्टि र ‘मिशन कर्मयोगी’ को रूपान्तरणीय लक्ष्यहरूबाट प्रेरित भएर अधिकारीहरूलाई राज्य-स्तरीय प्रशासनिक भूमिकाहरूदेखि राष्ट्रिय-स्तरको नेतृत्वकारी जिम्मेवारीहरूमा सुगम रूपान्तरणको एक सुव्यवस्थित मंच प्रदान गर्दछ। यसको उद्देश्य नीति निर्माण, अन्तर-क्षेत्रीय समन्वय र संस्थागत नेतृत्वको निम्ति नैतिक, सक्षम र भविष्यको निम्ति तयार सिविल सेवकहरूको निर्माण गर्नु हो। यो कार्यक्रम सात प्रमुख विषयगत स्तम्भहरू सुशासन, व्यक्तित्व विकास, सहयोगात्मक अधिगम, प्रौद्योगिकी, नेतृत्व अन्तर्दृष्टि, उद्यमिता र क्षेत्रीय अवगाहनमाथि आधारित छ।

हिन्दुस्थान समाचार / भवानी थामी