शिलाङ, 11 जून (हि.स.)। इन्दौरको व्यवसायी राजा रघुवंशीको हत्या मामिलामा मेघालय पुलिसको विशेष जाँच टीम (एसआईटी) ले अब सोनम रघुवंशीको उपस्थितिमा क्राइम सीन रीक्रिएट गर्नेछ। यस मामिलामा पक्रा परेका बाकी चार आरोपीलाई शिलाङ ल्याइएको छ र उनीहरूलाई स्थानीय अदालतमा पेश गरिनेछ।

मेघालयको एसआईटी टीम अबेर राति सोनमलाई लिएर शिलाङ पुग्यो। त्यसपछि उसलाई गणेश दास अस्पतालमा मेडिकल जाँचको निम्ति लगियो ताकि उ गर्भवती छ कि छैन, सोही पत्तो लगाउन सकियोस्। वरिष्ठ पुलिस अधिकारीले भने, उसलाई अदालतमा पेश गरियो र उसको पुलिस रिमान्डको माग गरियो। पुलिसले यस जाँचलाई 'अपरेशन हनीमून' नाम दिएको छ। ईस्ट खासी हिल्सका एसपी विवेक सैयेमले भने, आरोपीहरूको इन्दौर र गाजीपुर स्थित ठेगानाहरूबाट महत्वपूर्ण साक्ष्य जुटाइएको छ।

राजा रघुवंशी हत्याकाण्डमा सोनम र उसका साथीहरूलाई इन्दौर र गाजीपुरबाट पक्राउ गरिएको थियो। एसआईटीले इन्दौरबाट पक्रा परेका आरोपीहरूको छह दिन र गाजीपुरबाट पक्रा परेको एक आरोपीको तीन दिनको रिमान्ड हासिल गरेको छ।

राजा रघुवंशी र उसकी पत्नी 23 मईमा मेघालयको सोहरा क्षेत्रमा छुट्टी मनाइरहेका थिए, तबदेखि उनीहरू हराएका थिए। 02 जूनमा राजाको शव एउटा खाल्डोमा भेटाइएको थियो, जसबाट यो सनसनीपूर्ण मामिला उजागर भयो।

हिन्दुस्थान समाचार / भवानी थामी