कोलकाता, 19 जून (हि.स.)। भारतीय जनता पार्टी (भाजपा) का सांसद तथा कोलकाता उच्च अदालतका पूर्व न्यायाधीश अभिजित गंगोपाध्यायको अवस्था अझै पनि गम्भीर छ। उनलाई कोलकाताको वुडल्याण्ड्स मल्टिस्पेशलिटी अस्पतालको सघन उपचार कक्ष (आईसीयू) मा सारिएको छ। विशेषज्ञ डाक्टरहरूको टोलीले उनको निरन्तर निगरानी गरिरहेको छ।

63 वर्षीय गंगोपाध्यायलाई पेट दुख्ने, बान्ता हुने र पेट फुल्ने समस्यापछि 14 जूनमा अस्पताल भर्ना गरिएको थियो। जाचॅंमा तीव्र प्यान्क्रियाटाइटिस र ग्यास्ट्रोइन्टेस्टाइनल सेप्सिस पुष्टि भयो। अस्पतालका प्रबन्ध निर्देशक तथा प्रमुख कार्यकारी अधिकृत रूपक बरुआले बुधवार राति गंगोपाध्यायको अवस्थामा 24 घण्टामा थोरै सुधार भएको बताएका छन्, तर उनलाई आईसीयूमा विशेष निगरानीमा राखिएको छ। उनले भने, 'स्थिति गम्भीर छ र हामी कुनै पनि जोखिम लिने चाहॅंदैनौं। विशेषज्ञ डाक्टरहरूको बहु-विशेषज्ञ टोलीले उनको हेरचाह गरिरहेको छ।

यस टोलीमा आन्तरिक चिकित्सा विशेषज्ञ, हृदय रोग विशेषज्ञ, पल्मोनोलोजिस्ट, एन्डोक्राइनोलजिस्ट, ग्यास्ट्रोएन्ट्रोलजिस्ट र पाचन प्रणालीका सर्जनहरू समावेश छन्। सोमवार प्रदेश भाजपा अध्यक्ष तथा केन्द्रिय मन्त्री सुकान्त मजुमदार पार्टीका नेताहरूसहित अस्पताल पुगे र डाक्टरहरूसँग उनको स्वास्थ्य अवस्थाबारे सोधपुछ गरे। भाजपा नेताहरूले उनको शीघ्र स्वास्थ्यलाभको कामना गरेका छन्।

अभिजित गंगोपाध्याय 2024 मा तमलुक लोकसभा सीट जितेर संसदमा पुगेका थिए। यसअघि उनी कलकत्ता उच्च अदालतमा न्यायाधीश थिए र उनले 2024 मा राजीनामा दिएर राजनीतिमा प्रवेश गरे। न्यायाधीशको रूपमा उनका धेरै निर्णयहरू प्रमुख रहे। 2022 मा उनले स्कूल सेवा आयोग र पश्चिम बंगाल माध्यमिक शिक्षा बोर्डद्वारा शिक्षक भर्तीमा भएको अनियमितताको अनुसन्धान गर्न सीबीआईलाई आदेश दिए। यसबाहेक, 2023 मा उनले लगभग 32 हजार प्राथमिक शिक्षकहरूको नियुक्ति रद्द गरेका थिए।

हिन्दुस्थान समाचार / बिशाल