गान्तोक, 28 जून (हि.स.)। यातायात, पर्यटन तथा संस्कृति विभागसँग सम्बन्धित संसदीय स्थायी समिति पॉंच दिवसीय ​सिक्किम भ्रमणमा आइरहेको छ। संसद सदस्य (राज्यसभा) तथा जनता दल (यू) का राष्ट्रिय कार्यवाहक अध्यक्ष तथा समितिका अध्यक्ष संजय कुमार झाको नेतृत्वमा समितिले 28 जूनदेखि 2 जुलाई, 2025 सम्म सिक्किमको भ्रमण गर्नेछ। समितिका सदस्यहरू शनिवार बिहान बागडोग्रा हवाईअड्डा आइपुग्यो।

समितिका अध्यक्ष संजय झाको अगुवाईमा 31 सदस्यीय टोली (राज्य सभा सदस्यहरू) सिक्किम आइरहेका छन्।सिक्किम भ्रमणको क्रममा समितिले पर्यटन तथा नागरिक उड्डयन विभाग, सडक तथा पुल विभाग र सांस्कृतिक मामिला तथा धरोहर विभागका अधिकारीहरूसँग बैठक गर्ने कार्यक्रम प्रस्तावित छ। भ्रमण सिक्किमको पर्यटन पूर्वाधार, राष्ट्रिय राजमार्गहरूको विकास र मर्मतसम्भार र सांस्कृतिक सम्पदा तथा स्थानीय एवं आदिवासी कलाको प्रवर्द्धनमा केन्द्रित हुने बताइएको छ।

केन्द्रिय प्रतिनिधिमण्डललाई बागडोग्रा हवाईअड्डामा सिक्किम सरकारका अधिकारीहरूले स्वागत जनाए।

हिन्दुस्थान समाचार / बिशाल