नयाँ दिल्ली, 02 जुलाई (हि.स.)। देशमा हालका दिनमा हार्ट अटेकले अचानक मृत्युका धेरै मामिलाहरू देख्न पाइएको छ। यसपछि यसको कतै कोरोना भ्याक्सिनसित कुनै सम्बन्ध त छैन भनी प्रश्न उठ्न थालेको छ। यस्तो स्थितिमा केन्द्रिय स्वास्थ्य मन्त्रालयले कोविड-19 भ्याक्सिनलाई लिएर चलिरहेका यी तमाम अफवाहहरूलाई खारेज गर्दै स्पष्ट गऱ्यो कि देशमा धेरै एजेन्सीहरूको माध्यमले अचानक अस्पष्टीकृत मृत्युहरूको मामिलाहरूको जाँच गरिएको छ। यी अध्ययनहरूले निर्णायक रूपमा स्थापित गरेको छ कि कोरोना टीकाकरण र देशमा अचानक मृत्युहरूको रिपोर्टबीच कुनै सीधा सम्बन्ध छैन।

केन्द्रिय स्वास्थ्य मन्त्रालयले भन्यो, भारतीय आयुर्विज्ञान अनुसन्धान परिषद (आईसीएमआर) र राष्ट्रिय रोग नियन्त्रण केन्द्र (एनसीडीसी) को अध्ययनले यो पुष्टि भएको छ कि भारतमा कोरोना टीका सुरक्षित र प्रभावी छ, जसमा गम्भीर दुष्प्रभावहरूको धेरै कम मामिला अघि आएको छ। अचानक हृदय सम्बन्धी मृत्यु धेरै प्रकारको कारणहरूले हुनसक्छ, जसमा आनुवंशिकी, जीवनशैली, पहिलेदेखि चलिरहेको रोग र कोविड पछिका जटिलताहरू सामेल छन्। अचानक अस्पष्टीकृत मृत्युका पछाड़ीका कारणहरूलाई बुझ्न आईसीएमआर र एनसीडीसीले मिलेर काम गरिरहेका छन्। खासगरी 18 देखि 45 वर्ष आयुका युवाहरूमा यसको पत्तो लगाउनका लागि अलग-अलग शोध दृष्टिकोणहरूको उपयोग गरी दुई पूरक अध्ययन गरियो। एक पछिल्लो डेटामाथि आधारित र दोस्रो वास्तविक समयको जाँचसित जोड़िएको छ।

आईसीएमआरको राष्ट्रिय महामारी विज्ञान संस्थान (एनआईई) द्वारा गरिएको पहिलो अध्ययनको शीर्षक थियो भारतमा 18-45 वर्षका आयुका वयस्कहरूमा अचानक हुने मृत्युहरूसित जोड़िएको कारक- एक बहुकेन्द्रित मिलान केस-कन्ट्रोल अध्ययन। यो अध्ययन मईदेखि अगस्त 2023 सम्म 19 राज्यहरू र केन्द्र शासित प्रदेशहरूका 47 तृतीयक देखरेख अस्पतालहरूमा गरिएको थियो। यसमा यस्ता व्यक्तिहरूलाई सामेल गरियो, जो स्वस्थ देखिन्थे तर अक्टोबर 2021 र मार्च 2023 बीच अचानक उनीहरूको मृत्यु भयो। निष्कर्षहरूले निर्णायक रूपले देखाएको छ कि कोविड-19 टीकाकरणले युवा वयस्कहरूमा अचानक हुने मृत्युको जोखिम बढ्दैन।

मन्त्रालयले थप भन्यो, यस सम्बन्धमा दोस्रो अध्ययन गरियो, जसको शीर्षक “युवाहरूमा अचानक हुने अस्पष्टीकृत मृत्युहरूको कारणहरूको पत्तो लगाउनु’ वर्तमानमा अखिल भारतीय आयुर्विज्ञान संस्थान (एम्स), नयाँ दिल्लीद्वारा वित्त पोषण र आईसीएमआरको सहयोगले गरिँदैछ। यो एक सम्भावित अध्ययन हो, जसको उद्देश्य युवा वयस्कहरूमा अचानक हुने मृत्युहरूको सामान्य कारणहरूको पत्तो लगाउनु हो। अध्ययनको आंकड़ाहरूको शुरुआती विश्लेषणबाट संकेत पाइन्छ कि हृदयघात वा मायोकार्डियल इन्फार्क्शन (एमआई), यस आयु वर्गमा अचानक मृत्युको प्रमुख कारण बनेको छ। महत्वपूर्ण कुरा यो हो कि पछिल्ला वर्षहरूको तुलनामा कारणहरूको प्याटर्नमा कुनै ठूलो बदलाव देखिएको छैन। अधिकांश अस्पष्टीकृत मृत्यु मामिलामा यी मृत्युहरूको सम्भावित कारणको रूपमा आनुवंशिक उत्परिवर्तनको पहिचान गरिएको छ। अध्ययन पूरा भएपछि अन्तिम परिणाम साझा गरिनेछ।

स्वास्थ्य मन्त्रालय अनुसार, यी दुवै अध्ययनबाट यो पत्तो लाग्छ कि भारतमा युवा वयस्कहरूमा अचानक हुने अस्पष्टीकृत मृत्युको कारण कोविड-19 टीकाकरणसित जोड़िएको छैन। वैज्ञानिक विशेषज्ञहरूले दोहोऱ्याएका छन् कि कोविड टीकाकरणलाई अचानक हुने मृत्युहरूसित जोड्ने बयान झूठा र भ्रामक हुन् र वैज्ञानिक आम सहमतिसित समर्थित छैनन्। निर्णायक साक्ष्यहरूबिना अड़कलहरू लगाउने दाबीले टीकाहरूमाथि जनताको भरोसा कम हुने जोखिम छ, जसले महामारीमा लाखौं मानिसहरूको ज्यान बचाउनमा महत्वपूर्ण भूमिका निभाएको छ।

हिन्दुस्थान समाचार / भवानी थामी