भुवनेश्वर, 22 जुलाई (हि.स.)। ओडिशा विजिलेन्सले मंगलवार भ्रष्टाचार विरूद्ध एक ठूलो कारबाही गरेको छ। विजिलेन्सले आज केएल डिवीजन, क्योन्झरको डिविजनल फरेस्ट अफिसर (डीएफओ) नित्यनन्द नायकलाई उनको ज्ञात आयभन्दा अधिक सम्पत्ति राखेको आरोपमा पक्राउ गरेको छ। विजिलेन्सले डीएफओका ठेगानाहरूबाट दुई सय ग्राम सुन र दश लाख नगदी सहित ब्याङ्क जमा राशि र दुई वटा कार पनि जफत गरेको छ।

ओडिशा फरेस्ट सर्विस (ओएफएस-I) का वरिष्ठ अधिकारी नायक विरूद्ध गत दुई दिनदेखि चलिरहेको तलाशी अभियानमा उनीसित भारी मात्रामा अघोषित सम्पत्ति रहेको खुलासा भयो। विजिलेन्स विभागले एक बयान जारी गरी बतायो, जाँचमा विजिलेन्स अधिकारीहरूले नायकसित 115 मूल्यवान भूखण्ड, अनुगुल जिल्लामा नौ हजार वर्ग फुट क्षेत्रमा बनेको एक बहुतले भवन र छेन्डिपदा (अनुगुल) मा लगभग 1.5 एकड़मा फैलेको एक भव्य फार्महाउस रहेको थाहा पाएको छ। फार्महाउसमा 1,432 वर्ग फुटको आउट हाउस, 314 वर्ग फुटको एक अन्य निर्माण, दुई बोरवेल, एक कुआँ, लगभग 30 लाखको लागतले खनिएको एउटा ठूलो पोखरी र सैकड़ौं नरियल, केरा एवं आँपको रूख लागेको छ। विजिलेन्स अधिकारीहरूले नायकदेखि 200 ग्राम सुन, 10.25 लाख नगदी, 50.38 लाखभन्दा अधिकको ब्याङ्क जमा र दुई चार चक्के वाहन पनि जफत गरेको छ।

विजिलेन्स अनुसार, नायकले शुरूमा फार्महाउसको जानकारी लुकाएका थिए। यद्यपि, विजिलेन्स टीमले क्योन्झर स्थित उनको आवासको तलाशीमा एउटा डायरी पायो, जसमा फार्महाउसको निर्माण र खर्चासित सम्बन्धित विस्तृत विवरण दर्ता थियो। यसैको आधारमा तकनीकी विशेषज्ञहरूको साथ एक दोस्रो टीमले फार्महाउसको पहिचान गरी त्यसको मूल्याङ्कन शुरू गऱ्यो। यस सम्बन्धमा बालासोर विजिलेन्स थानामा भ्रष्टाचार निवारण अधिनियम अन्तर्गत मामिला दर्ता गरिएको छ। यसपछि ओडिशा फरेस्ट सर्विस (ओएफएस-I) का वरिष्ठ अधिकारी नायकलाई पक्राउ गरिएको छ।

हिन्दुस्थान समाचार / भवानी थामी