गान्तोक, 16 अगस्त (हि.स.)। मुख्यमन्त्री प्रेमसिंह तामाङले जन्माष्टमीको पावन अवसरमा सम्पूर्ण सिक्किमवासीहरूलाई हार्दिक शुभकामना तथा मङ्गलकामना व्यक्त गरेका छन्।

मुख्यमन्त्रीले आज जारी आफ्नो सन्देशमा भने, 'जन्माष्टमीले हामीलाई धर्म, भक्ति र करुणा जस्ता सनातन मूल्यहरूको स्मरण गराउँछ, जसलाई भगवान् श्रीकृष्णले आफ्नो सम्पूर्ण जीवनभर आत्मसात् गर्नुभएको थियो। उहाँको सत्य, प्रेम र मेलमिलापको सन्देशले आज पनि मानव जातिको मार्गदर्शन गरिरहेको छ।'

यस पर्वले हामीलाई सत्कर्मको बाटोमा हिँड्न, निःस्वार्थ भावले मानव सेवामा समर्पित हुन र हाम्रा समुदायमा आनन्द तथा शान्ति फैलाउन प्रेरणा दिओस् भनी कामना गरेका छन्। मुख्यमन्त्रीले हामी यस अवसरलाई भक्तिभाव, एकता र सहअस्तित्वको भावनासहित मनाऔँ भनी आह्वान पनि गरेका छन्।

हिन्दुस्थान समाचार / बिशाल