वित्तीय साक्षरता तथा सामाजिक सुरक्षा योजनाहरूमा नामाङ्कनलाई बढ़ावा दिने लक्ष्य

गान्तोक, 30 अगस्त (हि.स.)। वित्तीय समावेशनमाथि तीन महिनाको राष्ट्रव्यापी सन्तृप्ति अभियानको एक हिस्साको रूपमा राज्य स्तरीय ब्याङ्कर्स समिति (एसएलबीसी), सिक्किमले 3 सेप्टेम्बर, 2025 मा सिक्किमको मल्लीमा जनसुरक्षा सन्तृप्ति अभियान अन्तर्गत एक मेगा क्याम्प आयोजना गर्दैछ। यो शिविरले विभिन्न सामाजिक सुरक्षा र वित्तीय समावेशन योजनाहरू अन्तर्गत नागरिकहरूलाई प्रवर्द्धन र नामाङ्कन गर्न मञ्चको रूपमा काम गर्नेछ।

यो मेगा क्याम्पमा सालघारी-जुम निर्वाचन क्षेत्रका विधायक मदन सिञ्चुरी, वित्तीय सेवा विभाग (डीएफएस) का अधिकारी, भारतीय रिजर्भ ब्याङ्क (आरबीआई) का क्षेत्रीय निर्देशक, भारतीय स्टेट ब्याङ्क (एसबीआई) का महाप्रबन्धक, निर्देशक (वित्त) र अन्य वरिष्ठ ब्याङ्क अधिकारीहरू सहित गणमान्य प्रतिष्ठित व्यक्तिहरूको उपस्थिति रहनेछ।

मेगा क्याम्पको मुख्य उद्देश्य विभिन्न सरकारी प्रायोजित योजनाहरू अन्तर्गत तत्काल नामाङ्कनको सुविधा प्रदान गर्नेछ। यी योजनाहरूमा प्रधानमन्त्री जन धन योजना (पीएमजेडीवाई), प्रधानमन्त्री जीवन ज्योति बीमा योजना (पीएमजेजेबीवाई), प्रधानमन्त्री सुरक्षा बीमा योजना (पीएमएसबीवाई), अटल पेन्शन योजना (एपीवाई) र पीएमजेडीवाई र सामान्य ब्याङ्क खाताहरूको पुन: केवाईसी सामेल छन्।

यस पहलको माध्यमद्वारा, व्यक्तिहरूले आफ्नो वित्त प्रभावकारी रूपमा प्रबन्धन गर्नका लागि आवश्यक ज्ञान र कौशल प्राप्त गर्ने अवसर पाउनेछन्। आरबीआई, एसएलबीसी र विभिन्न ब्याङ्कका वरिष्ठ अधिकारीहरूको उपस्थितिले नामाङ्कनमा सहायता र सुगमता प्रदान गर्नेछ, जसले गर्दा व्यक्ति र उनीहरूका परिवारको लागि ठूलो वित्तीय सुरक्षा सुनिश्चित हुनेछ जानकारी आज पीआईबीले दिएको छ।

हिन्दुस्थान समाचार / बिशाल