गान्तोक, 30 अगस्त (हि.स.)। विद्या भारती सिक्किम प्रान्तको शैक्षिक टोली कार्यशाला संस्थाका संयुक्त सचिव उमाकान्त शर्माको अध्यक्षतामा शनिवार रानीपुल सरस्वती विद्या निकेतनमा सम्पन्न भयो। यो कार्यशालामा शैक्षिक गुणस्तर वृद्धि, राष्ट्रिय शिक्षा नीति अनुरूप शिक्षण पद्धति र अन्य महत्त्वपूर्ण विषयहरूमा विस्तृत छलफल गरियो।
कार्यक्रमको उद्घाटन मुख्य अतिथि उमाकान्त शर्माले दीप प्रज्वलन गरेर उद्घाटन गरे। कार्यशालाको सञ्चालन शैक्षिक टोली प्रमुख दीपेश भट्टराईले गरेका थिए। कार्यशालाका मुख्य विषयहरू गुणात्मक प्रश्नपत्र निर्माण, शैक्षिक गुणस्तर, राष्ट्रिय शिक्षा नीति अनुसार शिक्षण, मूल्यांकन, आगामी परीक्षा, पञ्चपदी शिक्षण अधिगमबारे प्रदेश प्रशिक्षण प्रमुख सूर्य धितालले पावरपोइन्ट प्रस्तुतिमार्फत विस्तृत जानकारी गराएका थिए।
प्रान्तद्वारा प्रकाशित गरिने त्रैमासिक ई-पत्रिकाको विशेषता र आवश्यकताबारे सम्पादक रजीत प्रधानले बताए। मुख्य अतिथि शर्माले शिक्षासँगै संस्कार, संस्कृति, सेवा र समर्पणमा आदर्श भाव राख्ने सबै विद्या भारतीसँग जोडिएका आचार्य, आचार्यहरू र कार्यकर्ताहरूको प्रशंसा गरे। उनले शैक्षिक दृष्टिकोणबाट उत्कृष्ट शिक्षण र सामाजिक प्रेरक कार्य गरिरहेका कार्यकर्ताहरूलाई प्रोत्साहित गरे।
कार्यशालामा सिक्किम प्रदेशका विद्यालयहरूबाट विषय प्रमुख, शैक्षिक टोलीका कार्यकर्ता र अन्य मिलेर बीस प्रतिभागीहरूको उपस्थिति रहेको थियो। अन्तमा शैक्षिक टोली सह प्रमुख विद्या लामाले धन्यवाद ज्ञापन गरेपछि शान्ति पाठसँगै कार्यक्रम समापन गरियो।
हिन्दुस्थान समाचार / बिशाल
31 Aug 2025