नयाँ दिल्ली, 5 सेप्टेम्बर (हि.स.)। हंसराज कलेजकी प्राचार्या प्रो. रमाले राष्ट्रिय संस्थागत ऱ्याकिंग फ्रेमवर्क (एनआईआरएफ)- 2025 मा अभूतपूर्व उपलब्धि प्राप्त गरेको तथा भारतका श्रेष्ठ महाविद्यालयहरूमा तेस्रो स्थान प्राप्त गरेकोमा हर्ष व्यक्त गरिन्। उनले भनिन्, यो सफलता पछिल्लो वर्षको तुलनामा एउटा ठूलो फड़्को हो जतिबेला हाम्रो कलेज 12औं स्थानमा थियो।

कलेजकी प्राचार्या प्रो. रमाले भनिन्, यो उपलब्धि हाम्रो कामको परिणाम मात्र नभएर हाम्रो भावना, सेवाभाव तथा सामूहिकताको कथा हो।

प्राचार्या प्रो. रमाले भनिन्, हामी कहिल्यै पनि ऱ्यांकिंगबाट प्रभावित भएनौं। हाम्रो लक्ष्य सदैव यो रहेको छ कि शिक्षा एवं संस्कारको क्षेत्रमा निरन्तर उत्कृष्टता प्राप्त गरियोस् साथै हाम्रा पूर्वजहरूको परम्पराको सम्मान होस्। उनले भनिन्, हंसराज कलेज एउटा संस्थान मात्र होइन, एउटा परिवार हो। यस परिवारका हरेक सदस्य चाहे प्राध्यापक होस् वा विद्यार्थी (वर्तमान वा पूर्व), अशिक्षण कर्मचारी होस् वा कलेजप्रति आफ्नो भाव राख्ने कुनै पनि व्यक्ति यस उपलब्धिका साझेदार हुन्।

प्रो. रमाले भनिन्, हंसराज कलेजको प्रतिष्ठा र गरिमा शैक्षणिक उपलब्धि मात्र होइन, उसको बुनियादी महामानव दयानन्द सरस्वतीको तपस्या एवं महात्मा हंसराजको त्यागमाथि अड़िएको छ। 1948 सालमा स्थापित यस संस्थानले सदैव विद्यार्थीहरूलाई ज्ञानमा मात्र सीमित नराखेर संस्कार तथा समाजप्रतिको उत्तरदायित्वको भाव पनि दिएको छ।

हिन्दुस्थान समाचार / उष्णता छेत्री शर्मा