कोलकाता, 10 अक्टोबर (हि.स.)। पश्चिम बङ्गालका मुख्यमन्त्री शुभेन्दु अधिकारीले सन् 1946 मा नोआखालीमा भएको साम्प्रदायिक हिंसाको वार्षगाँठमा हिंसामा ज्यान गुमाउने निर्दोष बङ्गाली हिन्दूहरूलाई श्रद्धाञ्जली अर्पण गरेका छन्। उनले शनिवार सोशल मिडियामा पोस्ट एउटा मार्फत यस घटनाको इतिहासलाई नयाँ पुस्ता समक्ष ल्याउने अपील गरे।
शुभेन्दु अधिकारीले आफ्नो पोस्टमा लेखे, 10 अक्टोबर, 1946-मा कोजागरी पूर्णिमा र लक्ष्मी पूजाको दिन बङ्गालको तत्कालीन नोआखाली एवं टिप्पेरा जिल्लामा धार्मिक असहिष्णुताको कारणले निर्दोष बङ्गाली हिन्दूहरूको नरसंहार शुरु भएको थियो। यी क्षेत्रहरू अहिले बङ्गलादेशमा छन्। उनले भने, सनातनमाथि करिब चार हप्तासम्म अमानवीय अत्याचार गरिएको थियो।
उक्त घटनाको इतिहासलाई कलङ्कित अध्याय बताउँदै उनले भने, यो हिंसाको इतिहास नयाँ पुस्ता सामु उजागर हुनुपर्छ। उनले धार्मिक असहिष्णुताका कारण मारिएका निर्दोष बङ्गाली हिन्दूहरूलाई पनि विनम्र श्रद्धाञ्जली अर्पण गरे।
सन् 1946- मा भारतको स्वतन्त्रता एवं सत्ता हस्तान्तरणलाई लिएर राजनीतिक अनिश्चितताबीच बङ्गाल सहित धेरै क्षेत्रहरूमा साम्प्रदायिक तनाउ बढेको थियो। नोआखली हिंसामा मुख्य रूपमा हिन्दू समुदायलाई लक्षित गरिएको थियो। यस घटनाले तत्कालीन बङ्गालको सामाजिक एवं राजनीतिक परिस्थितिमाथि गहिरो प्रभाव पारेको थियो।
--------
हिन्दुस्थान समाचार / उष्णता छेत्री शर्मा
