मिर्जापुर, १० अक्टोबर (हि.स.)। उत्तर प्रदेशको मिर्जापुर जिल्ला स्थित राजगढ़ थाना क्षेत्रको सेमरी गाउँमा अज्ञात चोरहरूले घरको पछाड़ीको ढोकाको ताला तोड़ेर लगभग डेढ़ लाख रुपियाँ मूल्यका सुनचाँदीका गरगहना चोरी गरेका छन्।

घटनाका बेला घरमालिक निर्मला देवी बालीको रखवाली गर्न खेतमा गएकी थिइन्। घरमा रहेकी उनकी बुहारी दुई बच्चा सहित सुतिरहेकी थिइन्, तर उनीहरूलाई चोरी भएको थाहा भएन।

शनिवार बिहान खेतबाट फर्कँदा घरको ढोका खुला र समान छरपस्ट अवस्थामा देखेपछि निर्मलाले होहल्ला गरिन्। उनले अज्ञात चोर विरुद्ध राजगढ़ थानामा उजुरी दिएकी छन्। पुलिस निरीक्षक बालमुकुन्द मिश्र अनुसार, घटनाबारे उजुरी प्राप्त भएको छ र अनुसन्धान भइरहेको छ।

हिन्दुस्थान समाचार / भवानी थामी